السلام عليكم
الحمدلله انها عيبتج بشرح وأتمنى أقدر اوصل الفكرة

خذي مقاس السلة اللي بتسويلها التلبيسة ، الارتفاع وزيدي قد شبر من فوق ومن تحت

وخصر السلة بعد أقصد محيط الدائرة وسويه دبل علشان الزم يعني اللقط

مفهوم لين الحين؟ بيطلع عندك شريط من القماش طويل جيبي الطرفين وصليهم ببعض كأنك طبقتيهم على بعض من الخلف طبعاً وخيطيهم مع بعض .
من الطرف العلوي أي جهة فيهم نفس الشئ اثني ثنية صغيرة وخيطيها وثنية اكبر مثل مال البنطلون من فوق والسراويل لإدخال الأستك ومثل ما عملنا في الجزء العلوي بنسوي تحت
بس لما تلبسين السلة زمي الأستك تحت أكثر لتصغير الدائرة بس في القص والخياطة واحد ما شئ فرق وبعدين زينيها بالورود والشرايط

وأم عزيزان إلها موضوع عن طريقة عمل الزهور من شرايط الساتان

انا اسفة جدا جدا جدا ع التاخير
واحة الخير حبيبتي
غلاف الكتاب اذا حبينا نعمله بنفس الطريقة
يلزمنا:
-------
القماش المطلوب
قماش بطانة بنفس المقاس
قطن اصطناعي لوح اي شريحة
قلم او طبشورة
باترون للرسم المرغوب تطبيقة
الطريقة
--------
ممكن رسم الباترون على وجه القماش بواسطة الكربون او عجلة العلام والبعض يرسم الباترون على ورق الزبدة (ورق شفاف خفيف) ويثبته فوق القماش او على كيس نايلون شفاف المهم ان يثبت الرسم على قماشة الوجه ثم
تثبيت القماش من الاعلى والقطن في الوسط والبطانة في الاسفل بالدبابيس ثم بالسراجة نثبتها اكثر بحيثلا تتحرك اي قطعة عن الثانية وبعد ذلك
نمشي على الرسم بالماكينة بشويش وبهدوء وبعد الانتهاء من الرسم نمزق الورق او الكيس اذا كان الشغل عليهم اما اذا كان على القماش دغري ارجوا استخدام قلم خفيف لعدم تلف القماش يا رب اكون وضحت الفكرة وسماح على التاخير

السلام عليكم

تسلمين على الشرح اختي فطومة شرحك واضح ما تقصرين

وفي انتظار أعمالك وتطبيقاتك

ام محمد

ام محمد

تسلميييييييييين على الشرح الوافي

وانتظري تطبيقي لها

لاني شريت قماش الساري وزينت فيه صالتي وباقي السله احترت فيها :)

اذا صار عندي وقت بسويها اليوم الحين بنزل المطبخ يبون فطاير على العشاااااااااا:D

السلام عليكم

في انتظار تطبيقيج للسلة ,هذه علاقات جاهزة أتمنى تعجبكم