اذا حصلتى على علامه من 60الى 69 تحصلين على د يعنى النتيجه مقبوله ولكن غير مرضيه هذا لا يعنى انك رسبتي فى هذه المادة اما اذا رسبتى علي سبيل المثال فى مادة او اكثر بامكانك الذهاب الى سمر سكول و طبعا وقتها راح تدفعى علشان تدخلى لان هذا البرقرام بفلوس والمدارس الحكوميه مجانا

السلام عليكم اختي كوني انا درست بالهاي سكول هنا بامريكا فرح احاول اشرح لالك قدر الامكان.
اختي هنا بامريكا كل كلامهم بالاحرف يعني عندك A,B,C,D,F

طبعا عندك من 90-100 تساوي Aوهي معناتها انك نجحتي بتفوق
اما 80-89فهي تساوي Bاما هي تعني انك جيد
اما 70-79فهي تساوي Cاما هي تعني وسط
اما 60-69 فهي تساوي Dفهي ماشي حالك بس لازم شد همة
اما 50-59فهي تساوي Fاما هي رسوووووووووووب

وهنا بامريكا دراسة الهاي سكول سهللللللله جدا مش متل بلادنا بس بنصحك تراقبي اولادك يعني تفضلي تسالي عن مستواهم وتشوفي الكنسلر الخاص فيهم.
ومش كل المواد بيرسب الطالب بيها وبصراحه حسب الطالب انا جيت من لبلاد ودخلت العاشر والحمد لله ولا مرة رسبت باي ماده.
علامات الطالب كيف بتتجمع انا بقلك
حضور الطالب بيكون مثلا عليه 15 او 10 بالمية
عندك الوضائف يلي بيعملهن الطالب عليهم 20 او 25 بالمية
عندك الهدوء او المشاغبه عليها مثلا 10 بالمية
عندك وضائف اضافيه هي الوضائف الاستاد بيعطيهن للطالب وبيقوللهم يلي عارف حالو مش عامل منيح وحابب تعمل زياده اعمل الواجب هدا طبعا هي يمكن يكون عليهم 20 بالمية
الامتحانات مثلا عليهم 25 بالمية يعني ادا ابنك او بنتك ماعملوا كويس بالامتحان مش معناته راسبين . لا في شغلات ثانيه بتساعدهم ليطوروا النتيجه تبعهم.
وطبعا مش مثل بلادنا والله ادا رسبت بمادتين يعني خلاص رسبت كل السنة . لا المادتين يلي رسبتهم بتعيدهم بالصيف بس على ما اضن لبكه لانوا لازم كل يوم يروحوا.

وخلني اختي حبيبتي بالله اقلك هالشغله هلاء بالصف مارح يكونوا نفس بلادنا والله هدا صف عاشر لازم كلهم يكونوا بالعاشر لالالالالا بتلاقي هنا بالصف شي عاشر شي اخر سنة شي الحادي عشر .
بس المدرسة ادا شافت الاولادك مش متفاعلين ورح يرسبوا مواد كتيرة يلي بيعملوا بينزلوهم من مستواهم سنه لتحت . بدكر كان معي طالب عربي وماكان كتير وغلبهم ونزلوه سنه لتحت. واهم شي اختي مايهربوا من المدرسة ومايعملوا غياب فوق الغياب المحدد لالهم ويلي هوا اضن 12 او 15 يوم طبعا هدا حسب المدرسة لانوا لو غابوا اكتر بيفصلوهم من المدرسة وبيضروا يعيدوا كل السنه

طبعا اختي مفيش مجموع عام عندهم لكل مده الها مجموع يعني مش مثل بلادنا بيجمعوا كل المواد مع بعض والنتيجه بتبين وبالاخير بيتحدد لا عندهم كل شي مفصل لوحده . اما ادا قصدك كم ماده مسموح الطالب يرسب فيها مشان ميعيدوه السة هي مابعرف. بس يلي بقلك اياه انوا مدارسهم مش صعبه والاولاد بيتعلموا بسرعه اجنبي . وهدا كل يلي عندي وادا في سوال انا حاضرة وادا ماجاوبتك هنا ابعتيلي على الخاص لاني بصراحه بدخل الموضوع واحيانا بنسى ارجع مرة تانيه.
وبتمنى اني اكون افدك بشي

اوه اختي انا هلاء بس بشوفك كاتبه انك باوهايوا انا ان شاء الله باخر شهر سته رح روح اوهايوا كولمبس واعيش فيها خمس سنين. وين انتي باوهايوا

انا بامريكا بنات تكفون تبي احد انا بكنتاكي