الخبيرات في التعامل مع الشغالات

هذا طبعها ماتقدري تغيريه ...دامها طيبه مع عيالك وتشتغل زين خلاص

الله يعني على لقافتها طيب من ناحية إن عيالي يتعلقون فيها 😭أنا ما حب يتعلقون فيها يسيرون ما يبغون الا هي ويروحون عندها غرفتها وينكش ولدي في أغراضها

حبيبتي اذاماهي مسلمه ابعدي عيالك عنها لاتغير عقيدتهم وحاولي تكسبين اجرها وتخلينها تسلم بالنسبه لشغالتك اشوفها كويسه لانك ماتلاقين شغاله100%ممتازه والي عندك عيوبها بسيطه تحتمل يعني احمدي ربك ماطلعت ساحره او حقت رجال الأمور الثانيه مقدور عليها بما انها مخفه تقدرين توجهينها بالكلمه الطيبه ويارب انها تسلم وتكسبين اجرها

امنعي عيالك لا يروحون غرفتها
بس إذا هي شخصيتها فرفوشة وتعاملها طيب معاهم أكيد بيتعلقون لأنها متنفس بالنسبة لهم خاصة إذا إنتي تشدي عليهم
أشوف هذا طبيعي
فحرام لا تحرمينها من انها تتصرف بطبيعتها، ولا تحرمين أطفالك
لكن ضعي حدود،، مثلاً ما ينامون معاها، ما يروحون غرفتها، وكذا

يا حبيبتي
انت جايبة ادمية من دم ولحم
مانت جايبة روبورت تغيري برمجتها وحركاتها وسلوكها عن طريق تجارب الاخرين
لانه مو كل اسلوب بينفع مع الكل
ناس تجيبهم الكلمة الطيبة وناس تجيبهم الشدة

انصحك تعامليها بما يرضي الله
يمكن ربي يكتب لها تسلم على يدك وتكوني فزتي بحمر النعم
وعيالك انت الاقدر عليهم لانك امهم وتعرفي كيف تمنعيهم يتعلقو فيها او بغيرها حسب تربيتك لهم وفهمك لطبيعه احتياجاتهم ومشاعرهم

يا قلبي لا تفكري اني انتقدك ولا استخف من مشكلتك لا والله
لكن انقهر من قلبي على اي اخت مسلمة من بلدي وتشكي لنا عجزها عن التحكم في عيالها
عيالك قطعه منك
ماهو مجرد انفصلو عنك وطلعو للدنيا تعجزي انك تعملي كنترول على سلوكهم بالذات وهم اطفال

حاولي تجلس مع نفسك وتفكري صح كيف تفرضي وجودك وشخصيتك في بيتك
على ابناءك او خادمتك
ومو شرط فرض الشخصية انك تكوني قاسية وشديدة
لا طبعا
خليك حكيمة واعية قبل كل شي
وحريصة ومتحكمة بكل قرارات مملكتك
واعتبري الشغالة جزء من الافراد اللي تحت حكمك

انت جايبتها لشغل البيت يعني لازم من البداية تعرفيها طبيعه عملها كذا وكذا وتكفلي لها كل الحقوق الادمية
في الاكل والشرب والمبيت
وان كنت جايبتها تمسك عيالك في غيابك في وظيفة مثلا
لازم تخبريها انه العيال حيكونو مسؤوليتها وشغل البيت شيء ثانوي واهم شيء انها تهتم فيهم

لانه الانسان اذا توضحت له الامور من البداية يعرف حدوده
وحتى لا قدر الله ولا يكتبها عليك ولا على مسلم
لو فكرت تضر احد فيهم
حتكون عارفة انها حتتسائل وتوجه لها التهمة اذا احد فيهم صابه مكروه بعيد الشر عنهم

اما ترك الموضوع بدون قيود وشروط هو اللي ضيع حقوق الخادمة وحقوق اللي مستقدمها
ولا هي عارفة انها جات تمسك العيال ولا عارفة انها جات للتنظيف والكوي ولا هي عارفة انها جات تطبخ
فتشوف انها صارت عاملة 10 في واحد
وكل شغل البيت على دماغها ولانها انسانه زيها زينا
حتتمنى تكون عندها خدامة تريحها وتشيل عنها الحمل
وفوق هذا بتلاقي ست البيت تخاصم فيها وترفع صوتها عليها وتستحقرها وتلومها على اتفه تقصير
فطبيعي حتنضغط نفسيا واخلاقها في مناخيرها
ونلومهم بعد كدا لما يفتعلو جرايمهم
الله يحفظ واولادك من شرها ويعطيكم خيرها
وسامحيني اذا كلام قاسي وغرضي مصلحتك