أنا اعتبر نفسي خبيرة بنقل العفش مع مرتبة الشرف الاولى
نقلت خلال 5 سنوات 4 مرات
شوفي ياستي
تحتاجين كراتين كبيرة حقت غسالة او ثلاجة + اكياس زبالة كبيييييرة + شطرطون وحبال+مبيد حشري+ جرايد
اهم شي فضي الدروج كل درج بكرتون او كيس وحطي ستكر واكتبي الوصف يعني اي درج وأي غرفه والمحتوى
وقبل تقفلين الكيس او الكرتون خذي منديل قوي زي مناديل حفاظات البيبي ورشي عليه مبيد حشري وحطيه بالكرتون قبل لاتقفلينه عشان الحشرات ماتجيه
اما الملابس والجزم راح تحتاجين لها اكياس محاربة العت اللي تجي مع الجزم الله يكرم السامعين
واغراض المطبخ والابجورات وأي شي قابل للكسر يبيلك تغلفينه بجرايد قبل تحطينه بالكرتونة
والملابس المعلقه المكويه خليها بسيارتكم مفروشة فوق بعض والقمصان علقوها بالسيارة بس غلفيها بأكياس المغاسل عشان لاتتوسخ ولا يروح غسيلك هدر اهم شي لاتخلونها بسيارة نقل العفش هذا اذا بتنقلونها عن طريقهم واذا راح تنقلونها بنفسكم انقليها اخر شي عشان تضمنين تظل نظيفه
والطاولات الجانبيه وحقت الكنب حاولي تخلينها بكرتون عشان لاتتمخش مع الشيل والحط
تقريبا هذي اهم الاشياء اللي بتريحك بالنقل

نسيت اضيف شغلة
الملابس المطبقة زي ماهي بترتيبها تحطينها بشناط سفر وحطي بينها قوارير العطور الفاضيه بدال ماترمينها
عشان تاخذ الملابس ريحتها 

يا عسسسسسسسسسل نصيحه لوجه الله ..

تووو خالتي نقلت جابت شركه الخيول السريعه .. هالشرررررركه قممممممممه في الرررقي في الاخلاق والتعامل والترتيب ..

تركنا البيت مثل ماهو بس ملابسنا بالشنط .. جووو ورتبوا كللل شيء ولفوه في مشمع واوراق للقزاز شيييييييء عجببببببب كأنك توك مشتريته من كثر اللف ومنتبهين لكل شييييء وفككوا الدواليب واشياء التسريحه هم لموها وكاتبين على الكراتين غرفه النوم غرفه البنات غرفه الاولاد المطبخ المجلس الاستقبال ويركبون الاشياء في البيت الجديد مثل الدواليب وكذا .. تخيلي حتى التلاااجه مرتبينها ومغلفين الاشياء اللي فيها والبصل والبطاطس وكل شيء مرتب ..

انصصصصححكك فيها اذا تبغين ترتاحين لانه مو اول مرره نجربهم في كل مره نتعجب لشغلهم المرتب ..

ودمتي كما تحبين ^_^

الله يعيييييييييييييينك

اكررررره النقل :(

عادي ياحبيبتي انا ان رببي كتب بنقل بعد اسبوعين .... وعادي شركات النقل ان حرصتيهم بينتبهون على اغراضكم وخلي زوجك فوق راسهم ... والله يسهل عليك علينا يارب .. .