الخبيرة بالكوشات تدخل

أختي كان ودي أساعدك بس في مثل شعبي يقول
أنا وياك عميان وحريول >>>>> ماادري وش معناه أمي دائما تقوله لي
انا اول عروس بالعايلة ولا عندي خبرة بها الاشياء بس عندي لك
دعوة
الله يجمل أختك بعيون زوجها وأهله وجعله مايشوف مثلها ولا يعرس عليها
ويسخره لها ويسخرها له ويبارك لهم زواجهم
آمين آمين

افاااااااااااااااا بس وحدة اللي ردت

الفخامة الله يعطيك العافية
اختي شافت الدعوة وبغت تتقطع وخنقتها العبرة
الله يفرج عليك وييسر امرك دنيا واخرة

لقيت لك فكرة كوشة شوفي تحطين اريكة تعرفينها صح<<<<<<<<<<<خخخخخخ
وبعدين يكون على الاريكة اقمشة شيفون اثنين واحد الاساسي زي لون الفستان ويكون مغطي االاريكة كلها وثاني بلون المسكة والمكياج يعني الاوراانج حلو مع السكري أنتي وذوقك خليها مايلة ماهي
على كل الاريكة يعني ثلاث ارباعها بس مايلة وروحي لمحلات الكلف تلقين عندهم زي السلاسل يقولون هذي احزمة انتي اخذيها واخذي الصمغ المسدس ولصقيها على اطراف الاريكة ترى تلقين اشكال روعة عاد انتي اذا مسكتي مسدس الصمغ تطلع لك افكار كيف تعلقينها بس انا متخيلة لو تعلقينها من طرف واحد وتخليها نازلة على تحت تطلع روعة اللون الذهبي روعة مع السكري اخذي السلاسل ذهبية واشكال مختلفة لاتاخذين شكل واحد بعدين اواخذي من محل اكسسورات منزلية
بعدين روحي لمحل المشغولات الحديدية
ماادري كذا اسمه اللي عندهم علاق الملابس اخذي ست حبات وحدة كبيرة ووسط وصغيرة ماادري وش اسمها بس هي كانها المعلاق بس ماهي طويلة الكبيرة يمكن توصل للكتف او اعلى
بعدين تروحين لمحل الزهور علشان يلف عليها ورد من نفس اللي في المسكة بس في نفس يوم الزواج
بعدين تحطينهم على جوانب الاريكة الكبار ورا بعدين الوسط تتقدم شوي مع الجوانب والصغار قدام ومايلين يعني يصير شكلها كانها اقواس يمين وشمال الاريكة

ايوة ونسيت اذا بتحطون طاولة قدام الاريكة لازم تحطين من نفس الشيفون عاد ضبطي نفس التنسيقات
وحطي عليه اكسسوارات وسلاسل
والله يوفقكم ولا يفرق بينكم صدقيني لو لي اخت مااروح لاهل المحلات الاستغلالين
انا خفت على امي تتعب معي قلت كل شي اخذه جاهز عشان اريح امي

اتوقع هاذي الكوشه حلوة للبيت ممكن تأخذين منها افكار
وللمساعده راسلين على الخاص

الفخامة
يارب تفرج عليك وتجعل من كل ضيق مخرجا
فكرة حلوووووووة

تسلمين ياامورة ويعطيك الف عافية