الخبيرة بسلوكيات الاطفال تساعدني الله يخليها

السلام عليكم ورحمة الله



بالبدايه انا عندي ولد وحيد عمره 3 سنوات
ماشاء الله .. تبارك الله
ذكي..وسيم.. ملفت للانتباه جدا
لكن عنيد ..(دبره)<<يعني يدخل بكل شيء
اجلسي هنا ..جيبي هذا.. ليش هذا
لاتسوين ..سوي كذا
انا بفتح الباب وانا بشغل السياره وانا بطفيها
والحين نصيح يقول ابي اسوق وبابا يجلس ورا
طبعا مااتسى انه سكرتير جوالي
ولا اتواع الصياح

هو سمعي..التركيز مو مره بس بسم الله عليه يسمع
عشان كذا فعيد الاضحى الماضي
رجعنا وحنا معنا قاموس كلمات مو حلوة مافي كلمه الا حافظينه
وعارف انه تستفز
بعدين عرف اللعن بعدين البصاق
طبعا هو دفش بشكل ماتتوقعون

لما بدا بالالفاظ صرت اقوله بشويش لا يماما اللي يقول الكلام هذا ربي مايحبه
ويزعل عليه
ومو كويس
بدون تعصيب
وانت ولد حلو وماتقول هالكلام حبيبي

بعدين مافاد صرت اخسره برضوا مافاد
بعدين صرت اقول شكرا ثم يعصب يقول مو حلو لا تقولين شكرا

طبعا لو يسمع احد يقول من هالكلمات بسم الله عليه تعالي شوفي التصايح
تقول وش هالتربيه والاخلاق فديته<<خخخخ

طبعا اوقات لاقال كلمه مو حلوة قال لا خطا هذي موحلوه وانا مااقول كلام مو حلو

هو حركي مرررررة واجتماعي حيل
لما ياخذه ابوه للاستراحه
يتعب يبلش كل الموجودين ويضرب ويقول كلام مو حلو ويبصق
ويعذب ابوه بالضرب والعض والصياح ليش يسولف اويلهى عنه

طبعا هو ينجن مايبغى تجلس انا وابوه مع اننا نراعيه مره ونضمه
ونلعبه
بس حتى لما نسولف يغار
لازم يكون هو محل انتباه الكل طول الوقت

ماانسى ان ابوه كره الجلسه في البيت يجي بيرتاح يحبه ويلعبه بس ماينتهي يطب عليه يرقى على راسه وبطنه
وبس يطب عليه بشكل يخوف والصراحه عاذرته انا اتعب تفسيا اذا جاء ابوه ماانبسط

طبعا المشاكل اللي ابغى لهن حل
1-غيرته من جلستنا وسواليفنا
2-الالفاظ الشينه والبصاق لاتقولون اتركيه انااتركه لكن اوقات يسوي على تاس كبارين اوغريبين وبالذات الرجال صعبه تخلينه عيب وفشله
3-العنااااااااااااد
4-ماابغى كل شيء يقول بسويه واللي ابغى يسويه يقول لا
5-طريقة اتعامل معاه

طبعا هو بكاش ومحتاااال خخخخخ يعرف يساير ليما يتفذ اللي يبي ول(واق)
طبعا للامانه ماانسى انه يساعدني يكنس ويمسح ويجيب ويودي لما يكون رايق
واول مايشوفوني تعبانه او يالمني شي بسم الله عليك
او منزله راسي يجي طيارات ليش زعلانه خلاص لاتزعلين فديت قلبه

انتظر الردود والحلول الله يخليكم