س في بلاد العجائب

حياك الله..

ماشاءالله عليك..

خلاص بنتظر وش بينزلون..

********

الهنديه..

هلاوالله وغلا..

زي ماقلت انا مااحسها مررة بس عشانها مطقمة ولا انا مااعجبني،،قلت آخذ رايكم..:42:

طيب سؤؤؤؤؤؤال::

لما تطقمين لبنتك من جمبوري وجاب،، يجي حلو..؟؟ خاصة اختلاف الالوان..؟؟

ماشاءالله عليك،، تحتاج روواااقه..

لاخلاص منيب مآخذته،، اصلا زوجي مايأيد ابداااااا اني اشتري قبل يقول بينزل بعدين اشياء احلى..

الهنديه...

وشي اللي شفتيهن واعجبنك..؟؟ حطي صورتهم...ولا اوصفي شكلهن بدورهن في موقعهم..

كم عمر بنتك الله يحفظها..؟؟

اشتري لها صيفي للسنه الجايه...انا اول مرة اسويها شريت لبنتي كم فستان مقاس 4 للصيف الجاي -- الله يحيينا حياة طيبه --

بس تدرين شرين من جمبوري فستان 4سنوات يالله عند الركبه ومافيه اكبر وكان رخييص

وبالنسبة للتنانيير --الله يخسهم-- نفس الطول الاختلاف بالعرض،،انا اعرف ناس في الرياض يشترون تتنانير من جاكادي اكبر يعني البنت عمرها 10 تشتري مقاس 12 عشان تنزل عن الركبه شوي

طيب ممكن تلبسينها الهيلاهوب -الكيلون الشفاف - في الصيف بس الى الركبه عادي ..

الله يخليها لك ويرزقك برها..

جزاك الله خير..

**********

حمرة الورد..

هلابك..

عااادي انا ماشيه معك على طووول الخط..وانتم احسن منا على الاقل ارررخص..:(

الله يجزاك خير

بنات امريكااا عطوناا موقع جمبوري لا هنتو نبي نشوف الجديد :26:

بنت نت
هذا الموقع
جمبوري

هلا و الله بحمره الورد
شوفي اختي ممكن اشتري مقاس اكبر .. بس ابلش بالخصر ... و انا ما عرف اخيط .. و احس انه يطلع مررره شكله مو زين لاني احوس الملابس بالتصغير ,,,
اما موضوع شلدرن بليس .. فا انا قليل مررره ما اشتري منهم .. احس خاماتهم ميب مره حلوه تنعدم مع الغسيل و تكمش .. .. و الخصر هناك اكبر من الخصر الي في المحلات الثانيه .. ما ادري انتم تلاحظون او لا .. الخصر نفس عرض التنوره .. ما ادري ليه ..
اما موضوع البناطيل .. يختي بنتي صارت تحتج .. تقول ليه انا ولد .. دايم بنطلون دايم بنطلون .. و بصراحه هو احسن انها تتعلم على ملابس البنات تنانير و فساتين ,, و ان شاء الله اذا رجعنا لديرتنا زز راح تلحق تتعلم على الملابس الطويله ... لانه صعب تقلبين من بناطيل لملابس لكن من طويل لقصير اسهل .. خصوصا اذا هي نفهم مو صغيره تلعبين عليه


غدو
و الله بصراحه اذا جبت من كل مكان قطعه ما تصدقين .. يطلع الطقم جنان .. بس اكون انا انجنيت معه .. لاني اكون ما خليت مكان ما درت فيه .. و احيانا .. اطيح بالشي صدفه .. و بعدين انا من الناس الي اذا شكيت ان القطعه تعجبني اخذها على طووول اخليها بالكيس بالفاتوره .. و تقعد عندي على الاقل ثلاث شهور .. و اذا ما قليت لها شي ترجع عادي .. لكن هذه الطريقه كثير تحل لي ازمات .. يعني ما انسى العيد الي فات .. اشتريت طقم من
Gap
قبل العيد بخمس شهور تقريبا ... اعجبني و اخذته على سعره .. و كا ما اروح بعد فتره القى قطعه مخفضه اقوم اخذها .. بس التنوره و هي الشي الاساسي لما تخفضت ما حصلت المقاس الي ابي فا خليتها عندي على سعرها .. و بلشت ما لقيت بلوزه داخليه و لا جزم الله يكرمك معه .. و ادور ادور .. بالاخير لقيت عندي كيس فيه ملابس كنت ناويه ارجعهم من قامبري و فيها بلوزه كنها مفصله للطقم .. و قبل العيد بيوم مريت على
Target
و لقت جزمه درجت لونها مع الطقم احلى من الي حصلتهم طقم من نفس المحل .. و يوم العيد .. الكل يقولي من وين هذا الطقم .. جايبته معك من السعوديه .. مع ان اطقم
Gap
معروفه بس لاني جبت اشياء من براه استنكروه .. و يمكن لو اني ملبستها الطقم او ما شتريته كان ما صار له منظر لان الكل عارفه لكن صبرت اشهر و انا كل ما اطلع اجيب له شي .. علشان كذا اقول لك اذا الطقم عاجبك .. خوذيه بسعره و خلي الفاتوره معك .. و كا ما تلقين تخفيض او قطعه تصلح معه من محل ثاني كلميه .. يطلع و لا احلي

اما عن الملابس الي شفتها و اعجبتني فا ما حصلت صورتها يمكن لان الصور ميب واضحه .. انا شفتها بالمحل .. و هي عباره عن بلوزه ليمونيه من دون اكمام و فيه بعد تنوره ورديه قطن .. و تنوره بيج مطرزه .. و اشياء و الله ما اتذكرها الحين من كثرها .. بس عجبوني مرره التنانير عليهم تخفيض بس علشان موضوع الطول ما اخذتهم .. انا الهيلهوب .. فا بنتي تلبس دليم بالشتاء بس بالصيف ما ادري اخاف يصير شكله مره او الناس يضكون عليها .. ما عمري جربيت ..
:17: :17:

والله يا اختي الهندية عادي الهيلا هوب الخفيف في الصيف

..قريب اخدت لبنتي طقم من اولد نيفي مرة كان عاجبني والتنورة مو قصيرة مرة يعني للركبة ..ولبستها عليه هيلا هوب ابيض من الخفيف مو شفاف بس خفيف ..وطلع شكله مرة مناسب ..

ما استحمل اشوف سيقان بنتي طالعة كدا عريانة خاصة انها مررة نحيفة..وتبان طويلة مع النحف ..

اما الخياطة الحمد لله اقدر اصغر الخصر من غير مايبان انه مصغر ..مع انه على يدي ماعندي مكينة خياطة..والحمد لله حليت مشكلة القصر حق التنانير..

حتى بنطلونات الاولاد لازم تصغير اصلا الكل عندي نحاف لازم نصغر في الخصر اذا اشترينا شي..

شيلدرن بليس مو بطال يمشي الحال للخرجات العادية ..بس عادة اخد منه ومن قاب وجمبوري ..وكله على بعض مسوية زيك ..كل قطعة من مكان ..

حتى قبل سنتين اخدت طقم كان اسود وفيه وردات حمر مطرزة بالخيط ..في جمبوري نزلوه على قطيفة ..فساتين وبلايز ومعاه بنطلون استرتش ..وقبعات.والجزم.

اخدت البنطلون والبلوزة والقبعة والجزمة منهم ..واخدت البلوزة الداخلية من شيلدرن بليس ..ومعاها التنورة وكانت احلى من الفستان ..جاية على كسر ومرة مع البلوزة روعة ..

وجاتني وحدة قالت لي انا اخدت الطقم من جمبوري بس مالقيت هده التنورة من فين جبتيها.

حركات ..بس احلى شي لما تطبي على التخفيض وتلاقي المقاسات ..

قبل شهرين شفت في جمبوري الطقم الازرق اليي فيه السمك كان حلو مرة واحلى شي عجبني البلوزة اليي تتلبس على الوجهين..

كمان نزلو شي في اناناس برضه حلو ..انا لي فترة مارحت السوق من مايو .. يمكن اطل قريب عشان اهبش كم شي للسعودية اذا ربي كتب لنا روحة..