الخبيره بفهم الشخصيات تدخل موضوعي

السلام عليكم بنات حواء أكثر شي احبه في المنتدى اني أحس ان الكل خواتي وأتكلم باريحيه بدون أي رسميات.
مشكلتي يابنات ابغى اعرف نفسي هل أنا انطوائيه أو ينطلق عليا هذا الاسم بكلمكم ع نفسي وانتم قرروا انا ما أحب اطلع مع صديقاتي كثير في الويكند أو حد يجيني أحس بكلافه أحب أكثر شي أخرج مع زوجي وابني يعني مثلا صديقاتي قالوا يلا نطلع وكذا أحس اني مزاجيه مو كل مره أحب اطلع معاهن يعني لو مودي تمام بطلع مو تمام بكسل واجيب عذر وبعدين في شي ثاني متعبين ابني الله يهديه مرررره عنيد وعنده شوي تأخر بالنطق فأنا أحس وقتي يضيع عنده بالمراضاه عشان يسوي شي أو يوافق ع شي وكمان اجلس أعلمه الحروف وكذا فأحس وقتي كله يضيع وما خلصت شغل بيتي وانا أحب بيتي يكون ع سنجة عشره يعني أحيانا لما يقولين بنجي عندك ابغى ع الأقل يقولين قبلها بكم يوم أو اليوم االي قبله مو نفس اليوم اخيانا أحس يزعلون من كثر ما اعتذر لهم بس صدق صدق إحيانا مزاجي مو حق طلعات معاهن او مود اقابل حد يمكن لأن ابني يتعبني باي طلعه أو ما ادري بس محد بيفهم اللي فيني أحب أطلع أكثر شي مع زوجي ... واليومتين هذه انا كنت مريضه جدا عندي لوزي ملتهبه ما اقدر كنت أقوم من الحمى فبيتي ما قدرت انظفه بشكل تام وتقول لي اليوم وحده تبغى تجي عندي أخذت هم ايش اسوي لها وشغل بيت وطبخ رجعت جبت لها اي عذر أحس الاختلاط بالناس كذا يبغوك تجي ويجوا عندك كثير وانا مو كل يوم فاضيه بيتي يبغى وقت ابني يبغى وقت حتى انا نفسي ما ادري هل اللي اسويه صح اخيانا اقول انا بيتوتيه لا يمكن انطوائيه بس الانطوائيه ما يحب ابدا يطلع ولا يجتمع بأحد بس انا لا أحيانا لو ترتبت طلعه من بدري أحب اطلع واجتمع بالناس ... وكمان صار موقف صدقيتي خلت زوجها بتعرف ع زوجي ومره كنا مسافرين جده هي عرفت قالت يلا بنروح معاكم انا ما حبيت الفكره أحسها هي اجتماعيه وتحب طلعات الأسر مع بعض انا ما أحب مدري ليش هل هذا الشي صح ما ادري انا ماعندي خوات وبعيده عن اهلي ماهم بنفس المدينه وكنت وانا ببيت اهلي نفس الشي ما اطلع كثير هل هذا السبب؟؟؟ أحيانا اقول لازم اتغير عشان ما ازعل الناس مني وأحيانا اقول هذا طبعي خلاص لازم الكل يتعود عليه