الخبيزه وعلاج الصلع انا استخدمتها للتساقط ووقف

السلام عليكم ورحمة الله وبركاته

انا بقولكم عن شي مجربته وانا ماخذه الطريقه من كتاب للعلاج بالاعشاب كان عندي وهي اساسا للصلع هذا اللي مذكور واعطيتها كم من وحده يجربونها وكلهم قالوا توقف التساقط بسرعه بس هي شوي تجفف الشعر يعني استخدموا معاها اي زيت وانا احس ان زيت الخردل روعه للجفاف ومدة الاستخدام من اسبوعين الى ثلاثه
بس قبل ابي الدعوات الحلوه

قولوا معاي الله ييسر لي كل اموري ويرزقني بكل اللي اتمناه ويفرج همي ويوفق اولادي ويكتب لهم الخير ويبعد عنهم الشر ويوفقني بالوظيفه اللي اتمناها ويوسع لي برزقي ويعلمنا ماينفعنا وينفعنا بما تعلمنا
أمين

الطريقه:
تجيبين من العطار عشبه اسمها الخبيزه وهي شكلها مثل الازهار الصغيره وقاسيه مو مثل البابونج خفيفه وتاخذين منها مثلا ملعقه وتحطين عليها شويه ماي تقريبا كوب ونص وتخلينها تغلي شوي وبعدين خليها الين تبرد وصفيها وحطيها في علبة سبراي بخاخ فاضي وترشين على شعرك اهم شي الفروه مو الاطراف مرتين باليوم لمدة 3 اسابيع او 3 مرات باليوم لمدة اسبوعين
انا ماكمل اسبوع الا القى التساقط وقف وبعدها اتركها من الكسل لكن اختي استمرت عليها شهر وتقول شعرها طال بسرعه وتحسن
والله يابنات انا كنت اعاني من الانيمياء واحس بالقهر لما اشوف شعري يتساقط بكثره بشكل يخوف وبس استخدمها تبين النتيجه من اول اسبوع تلاقون التساقط يخف الين يوقف ولله الحمد
وترى يابناتاللي تستخدمها وتنفعها تدعي لي واللي ماتستفيد منها ماتدعي علي والله كان هدفي اساعدكم والله يصلح شعوركم ويطولها ويكثرها وتشوفونها مثل ماتتمنون يارب وانا بعد
وش تبغون اكثر من كذا انا بدات ادعيلكم والحين الساعه 3 وربع بآخر الليل يعني ان شاء الله تستجاب الدعوه
وادري اني طولتها وآسفه
واي سؤال انا حاضره من عيوني