الخبيـــــرات بالنيلة (الزهرة)

حبيبتي بعطيك طريقتي وراح تدعين لي كل ماشفتي ملابسك البيضاء كأنها جديدة
طريقتي(اعبي الغسالة ماء ثلاث ارباعهااحط الصابون التايد اوي اي صابون+ملء فنجال قهوة صغير كلوركس لاتخافين من الكلوركي يسطع وينظف الملابس وحطي معهم النيل اذا كان مكعبات حطي نص واذا السايل صبي لحد ماتشوفين اللون بدا يتغير ويميل للسماوي وبعدين شغلي الغسالة عليهم قبل تحطين الملابس علشان يختلطون مع بعض وبعدين حطي الملابس البيض وبعد البيض حطي الملونات وبتشوفين الروووووووووووووعه..........

طريقتي أحط مكعبات النيلة بقطعة قماش قطن وأربطها زين وأحطها في علبة زبادي فاضية وأذوبها بماء , أشغل الغسالة وأحط الصابون والنيلة المذوبة ( بدون قطعة القماش ,,, السائل فقط ) وأخلي الغساله تدور شوي بعدين أوقفها وأحط الملابس وأشغلها ,,,

وملابسنا البيضاء بيضاء بدون تبقيع

والنيلة تبقع أتصور من لما تنحط بدون تذويب زين

انا جربت طريقتكم احط النيلة مع الصابون بس ما بين في الملابس ويمكن احط اكثر من نص المكعب

طيب سؤال هل النشاف هو سبب التبقيع؟ لان بعض البنات تقول اغسلي الملابس بالماء المذاب به النيلة وعلى طول اعصريه شوي وحطيه على الحبل بدون النشاف وش رايكم لانه ينشف اماكن واماكن يتركها ويطلع مبقع

على فكرة احط النيلة مع الصابون وموية الشطف او ماله داعي؟

معليش يا اخت ام رنو انا زيك ماعرف للنيلة وحابة استفيد من موضوعك بشكل خاص
لاني لما استخدمها انيلها بستين نيلة ودايما ملابس زوجي تطلع مبقعة
وغسالتي اللي بابها من الامام يعني لازم احط النيلة في الدرج الخاص بالنيلة بس ماتظبط معاي
ياليت اللي غسالتها زي غسالتي توضح لي طريقة وضع النيلة فيها