الخجل من الأكل !

السلام عليكم و رحمة الله و بركاته

اخواتي عندي مشكلة تواجهني من خمس سنوات واتمنى اني استفيد من خبراتكن

أنا استحي من الأكل !

بمعنى استحي ان الناس يشوفوني اكل في غير وقت الطعام

ما احب يشوفوني اروح اجيب لنفسي اكل او اكل في غير اوقات الطعام ... اذا احد جاب لي الأكل لمكاني آكل احيانا ،، لكن اجيبه لنفسي ما اعرف ليه اخجل

والا احيانا اروح اذا مافيه احد اجيب لنفسي شي اكله بدون ما احد يحس.... واذا جاء احد فجأة أصرفها بأي طريقة

مع ان أهلي كريمين ما شاءالله عليهم و ما نطلب شي الا يلبونه الله لا يحرمني منهم

ما آكل الا وجباتي غداء و عشاء واحيانا فطور غيرها لا .... حتى الحلى صرت ما اكله

مع اني احيانا اكون مشتهية شي بس اغصب نفسي ما اكله

هذي المشكلة بدأت بعد ما تخرجت و قعدت بالبيت قبل خمس سنين حتى بجأت اشك ان جلسة البيت سببت لي امراض نفسية

على فكرة انا طول عمري كنت سمينة لكن بعد هذه المشكلة ضعفت بشكل غير طبيعي

الناس صاروا يحسبون اني ابغى اضعف وما اكل كثير او اني ما اشتهي ما احد يدري عن هالمشكلة الا انا

بنات في احد مرت عليه مثل حالتي و شنو كان الحل معاهم

يمكن المشكلة شكلها تافهة لكن اللي يعيشها والله يتعذب كل يوم