الخدامه المرجعه.

السلام عليكم.

ابصراحه موضوعي مب مشكله ولله الحمد انما هو طلب مساعده وافاده فقط لا غير :)

الله يسلمكم انا خذيت خدامه اندونيسيه مرجعه من المكتب ومع اني ماااااا أايد المرجعات

بس الحاجه الله لا يحوجكم لغيره.

الخدامه صار لها شهر فقط عند مخدومتها القديمه ورجعتها لانها عنيده وما تسمع الكلام.

لمن جلست معاها وكلمتها حسيت انها ارتاحت لي..وفضفضت.. وبكت.. انا قلت بصير قويه

وما بتأثر بكلامها لاني مجربه الخدم من قبل لانها مو اول خدامه عندي.

المهم.. تمت تصيح وتقول ان مدامتها الاوليه كانت تضربها وتعذبها حتى الريوق (الفطور) ما تخليها

تاكل وكارفتها بالشغل طول اليوم.. تقعدها من الفجر الساعه 4 وتنومها الساعه وحده او حسب

الشغل احيانا تقول تنام الساعه 2 نص الليل!! حشى ما يمديها تنام وترتاح الا وقعدتها من النوم!!!!

انا قلت مستحيييييييييييييييل انها بتضربها من غير سبب لازم فيه شي.. انكرت وقالت الله شاهد على

كلامي واني مظلووومه عندها :(

انا كلمت المكتب وقالولي سالفتها انها فعلا ما يعاملونها زين وتعرضت للضرب والسبب انها جديده

وصغيره وماااااااااا تفهم ولا تعرف عربي ومدامتها كبيره فى السن فكانت على طول تفهما بالضرب

بدل الكلام ما عندها وقت حظرتها خخخخخخخخخ.. اللهم لا شماته :(

وفوووووق هذا كله البيت اللي كانت فيه كبيييييييير واااااايد وعندهم 8 عيال 3 منهم معاقين الله لا يبلينا

وكانت تسبحهم وتنظفهم وكلللللل شي فهمتوا.. والاب سايق تاكسي على قده وعلى قولتها هو الوحيييييد

اللي كان حنون عليها بس اما الباقي كلهم مو زينين معاها.. انا مااااااااا عليي من كل هذاااااا الكلاااام

انا والله البنت ارتحت لها ودخلت قلبي وحسيتها فعلا فقيرونه ومسكينه واصلا حتى لمن كنت اكلمها

دايما تردد كلمه ان شاء الله مدام ان شاء الله مدام ان شاء الله مدام معقوله بتكون عنيده؟؟!!

فيه مشكله اعتبرها كبيييييييره عندي وهي عمرها.. والله بتستغربون لين قلت لكم ان عمرها 16 سنه

بسسس يعني اكبر من ولدي بخمس سنوات فقططططط.. هي طويله ومربربه بس ويها يبين عليها صغيره

مع ان مكتوب فى جوازها 23 علشان يمشونها وتشتغل.. والله حرااااااام.. بنت طفله مراهقه تشتغل

عندي.. شسوووي معاها اشلون اتعامل معاها اللي كانت عندي كان عمرها 23 سنه ومتزوجه وعندها

ولد عمره 5 سنوات عكسسسسسسس هذي صغييييييييييييييييره وااااااااااايد.

محتاره اشلون بتعامل معاها احس اني بربيها مع اعيالي.. بس اشلوووووون وانا بخليها تشتغل وتشيل

وتحط وتنظف وتمسح ووووووووووو... الخ.

ارجوكم افيدوني وعطوني تجاربكم الله يجزاكم الخير.

وعليكم السلام.