الخدم الأزواج ......الله يجزاها خير اللي بتصدقني النصيحه!

شوفي حبيبتي انصحك ماتجيبين ازواج لانهم قررررررررررررررررررف
احسن شي جيبي اخو واخته او ابو وبنته اهم شي مايكونوا ازواج
الله يخليك ادعي لي ان الله يحقق لي ماتمنيت

الازواج مريحين من ناحيه ومتعبين من ناحيه..اذا زعل واحد اضرب الثاني معه يكون قوة للخادمه ...
ممكن يتعاونون على السرقه وغيره وهذا صار ببيت أخوي..استخيري والله يسهل أمرك..

النوفه

شكرا حبيبتي على الافاده ..بس وشلون يعني اطلب من المكتب اب وبنته ........يصير
واتوقع نفس مشاكل الازواج...وانا ابيهم ازواج علشان يعفون بعض عن الحرام تعرفين الخدم ومشاكلهم..


عزيزتي ام ساسي والله انك صادقه ...وجزاك الله خير على التعليق

مرحبا إختي
اهلي جربوا الخدم الأزواج من الجنسية السيرلانكية (مسلمييين)لسنييين كل ماراح جروب بمشاكله المعتادة (ليه زعلتوا زوجتي ...الساعه 10 لازم تصير عندي بالغرفة... الأكل يشال من الثلاجه بالكميات ويوزع على الحبايب من نفس الجنسية في كل السعودية خخخخخخخخخ)رجع الوالد وجاب جروب ثاني وبأعمار مختلفة لحد ما صارت الطامة الكبرى اللي بعدها حرم والدي يجيب أزوااااااااج.


المرة الأخيرة جاب أزواج كانت أعمارهم في الثلاثين وكانت الشغاله أول ماجت مب مريحة كثيرة الكلام وتتكلم عن اللي تشتغل عندهم وعن بناتهم وعن أخلاق بناتهم وكانت إذا راحت مع إختي للجامعه تقول لإختي ليه ما تكشفين زي هالبنات اللي أشوف إنتي حلوة ليه تخبين وجهك والله بنات الجامعات مرررره حلويين وتحرص إنها تدخل لأختي بالجامعة مع إنه إختي تعييها تدخل بس تتفاجأ فيها إنها جوه وتحاكي مين ما تصدقون تحاكي بنات من الجامعة!!!!!
وكانت دائما تتكلم عن الإندونيسيات إنهم أهل السحر ويحبون الرجال وتقول ليه شغالاتكم كلهم إندونيسيات ما تخافون على أزواجكم منهم!!!!!!.
وكنا إذا قلنا لأمي عنها كانت تقول لا أحد يحاكيها علشان ما يزعل زوجها وحنا بحاجة زوجها.
وفي مرة من المرات كنا مجتمعين عند أهلي سمعنا صوت صيااااااااااااااح وزعاااااااااااااق مرعب.

أثاري شغالة أهلي تهاوش شغالة وحدة من خواتي وتخربط معها بالحكي عن طلعة وتصوير ودخلنا عليهم نركض لهم وسمعناالسيرلانكية تقول للإندونيسية إعترفي قولي نمتي مع زوجي ولا لا !!!!!!
ولما شافتنا جينا قالت ترى شغالاتكم يطلعون مع رجاااال وسعودييين وزوجي هو اللي يطلعهم بمقابل فلوس .
صراحة وقتها تفاجأنا وقلتلها وشلون كل وحده فيهم لها ثلاث سنين ولااا شفنا منهم شي؟؟ردت وقالت هم من زمان يطلعون وقامت تخبرنا عن كل وحده من شغالاتنا وش تسوي ثم راااااااااااحت تركض تصييح وتدعي على زوجها وخذت مصحفها وقامت تصلي!!!
الإندونيسية قالت علي وعلى أعدائي أجل بعلمكم عنها وعن زوجها ترى زوجها يزور جوازات وهي جتنا وقالت بزور جوازاتكم بمبلغ 3000 ريال لكل وحدة وأهربكم تشتغلون في شقق دعارة(وبالفعل لما فتشناهم لقيناصور لشغالات بعض جيرانا) وتقول إنها دائما تحثنا إنه نحاكي زوجها وتقول إذا بغيتوا شي كلموه على جواله ومعطيه كل وحده فينا رقم جواله وإنها دائما تسألنا عن كفلانا وعن تعاملهم معنا وتطلب منا إنا نحتك فيهم ونتحرش فيهم ؟؟؟؟؟؟؟؟؟؟ والله ليما الحين مو مصدقه هالكلام من كثر ماهو صااااااااااااعقة.
بعدها ولله الحمد ربي كشف هالجروب المجرم قبل لا يخلص 3 شهور وسفرناهم بعد ما حققوا معهم ومنعوا دخولهم للمملكة ووضعوا في القائمة السودااااء.
وسفرنا الشغالات الإندونيسيات دفعه واااحده واستبدلنا المجموعه بأخرى والسواق جابه الوالد من جنسية والشغالة من جنسية (أسأل الله الكريم إن يرزقنا خيرهم ويكفينا شرهم).
حبيت إختي أضع بين يديك قصة من قصص الأزواج صارت مع أهلي ولك حرية الإختيار.وربي يوفقك لما فيه الخير لك ولأسرتك.

ياختي ابعدي عن الازواج غثاهم غثا ولافيه اكثر من مشاكلهم
اذا زعلت زعل هذا غير ا لسرقات والتشرط وقلة الحيا
حنا صرنا نجيب كل واحد شكل وارتحنا