والله يا اختي محد درنا عننا هذا اول شي
ثانيا هم اقدم ولهم احقيه بالتوظيف وياريت تجيهم مكرمه ونفتك من التكدس اللي له سنين
وتاكدي ان الله كتب لكل شخص رزقه
انا خريجة حديثه عاااام 1432

يابنات فيه هاشتاق للجديدات نشطوة عشان اذا اذا فيه مكرمة تشمل الجميع جديدة وقديمة
خريجات 430 1 وفوق يطالبن بالتعيين

مدري انتي من جدك وانتي تتكلمين؟!
قال مكرمة تشمل الجميع قال
والله مااحد داري عنكم وعن هاشتاقكم
من وين بيوظفون ذالآلاف المتكدسة
الحين مبتلشين هم بالقديمات وعددهم
وهذا وهم نصهم تعينوا السنوات الماضية
هو مافيه غير أمرين يا إما يوظفون القديمات بمكرمة أو يلغون توظيفهم بسبب مطالبة الجديدات

أما مسألة توظيف الكل بمكرمة فهذا أمر مستحيل وأنتم عارفين طبعا
عجبي بس من غيرة وحسد أكل قلوب البعض والله المستعان

ماعندكم استعداد تصبرون بصبرهم!!
مارحمتوهم وفرحتوا لهم ودعيتوا لهم
ماحسيتوا فيهم والظلم اللي عانوه لما كانوا زمان يوظفون بالواسطة وكان التوظيف جدا شحيييح وتمر بعض السنوات ومايسوون فيها مفاضلة

مع اني خريجة عام 1430
الا والله العظيم اني أتمنى ربي يرزقهم بأمر ملكي ويتوظفون كلهم
واحنا ان شاء الله بيجينا الدور بعدهم بسهولة
بس أهم شيء يصلحون غلطتهم والفساد اللي حصل في الماضي واللي كانت نتيجته تكدس الخريجات المسكينات
حتى كثير منهم صبروا على مذلة الأهليات ورواتبهم لما كانت ب 1500و2000
الله يرزقهم يارب ويرزقنا معهم والله لا يذوقنا القهر والمعاناة اللي مروا فيها...

وكلامي اللي فوق لا أقصدك فيه تحديدا يالمطر والسحاب...
كلامي لكل وحده جديده مافكرت بأخواتها وهل فكرت لو حطت نفسها مكانهم وش كانت بتكون ردة فعلها..
قال صلى الله عليه وسلم(( لايؤمن أحدكم حتى يحب لأخيه مايحب لنفسه))

دام الدعوى فيها حسد. بردو قلوبكم يالحديثات..مافيه مكرمه لا لنا ولا لكم
اعوذ بالله من الحسد. .كيف يعمي البصيره

الدولة قادرة توظف الكل قديمة وحديثه واذا يبغون يوظفون يطلعون وظايف من تحت الارض ومطالبتنا ماتلغي مطالبة القديمات

واذا على الحسد حملتكم كانت مع حملة الكلية المتوسطة والبديلات لية ماقالو عنكم حسودات

الرزق بيد الله مو بيد احد عشان نحسدكم ولا لا

الجميع له حق الوظيفة كلنا درسنا وتعبنا يمكن في بعض الجديدات محتاجه الوظيفه اكثر من القديمة

وانا والله مو ضدكم بالعكس اتمنى حملتكم تنجح ويتوظفون القديمات كلهم لان راح يخف التكدس ويفتحون المجال لنا

بس للاسف احنا بالدولة ماشية على البركة مافي اي خطط اذا وظفو القديمات بمكرمة ماراح تنحل المشكلة بعد كم سنة راح نصير قديمات ونروح نطالب

عشان كذا احنا الحين نطالب بالتوظيف العمر يمضي بسرعه وماتبغى نكرر المشكله بالسكوت