سراب~ :

أنا دائما أشوف الموضوع ولا أدخله واليوم قلت أدخل وأشوف وش فيه .. أولا وقبل كل شيء أنا عمري ما سبيت أحد ولا غلطت على أحد ولا تحسبت على أحد سواء في المنتدى أو من المسؤولين لمن يصدرون قرارات .. لكن اللي جايه هنا وتقول وينكم عن التقديم من زمان بتمر عليكم الأيام والسنين وبتحسون بحر ما نوجس ونعاني اللي لها سنتين وثلاث سنين زعلانة على حالها أجل وش تقولون علينا حنا اللي لنا عشر سنين وأكثر وحنا ننتظر .. ما فينا حسد لكن صبرنا طال وبإذن الله نوجر على صبرنا .. ما تدرون كم تعبنا وقدمنا ولا حالفنا الحظ ولا جات علينا جات حتى على أهالينا نروح فيهم من ديره لديره وفيهم مريض سكر وضغط واخرتها وين كنا .. أول أخذوها بعض الواسطات والله ثم والله وحده من خواتي تخصص رياضيات تقول توظفوا بنات ورب المصحف ما يحفظون جدول الضرب أكثر من كذا قهر ما فيه .. هذي هي الأكفأ والأجدر ؟؟!!! وأنا بحكم تخصصي لغة عربية وقديمة ما انقطعت عن تثقيف نفسي والله ثم والله انه مر علي موقف بحياتي وحده من الأساتذة تعرفت عليها في مكان ما ألفت كتاب وهي عندها ماجستير اخذته عشان أطلع عليه قلت السموحة منك كتابك فيه أخطاء إملائية ونحوية وقمت أخذت الكتاب عدلت لها عليه ورجعته لها وطبعته من جديد ورب المصحف يكفيني فخر في حياتي أني سويت هذا الإنجاز اللي ينقال عليه خريجة قديمة .. الحاصل من كلامي مو معناة أننا قديمات ما ننفع للتدريس وان الجديدة أولى مننا رزقي ورزقكم على الله ..

أنا دائما أشوف الموضوع ولا أدخله واليوم قلت أدخل وأشوف وش فيه .. أولا وقبل كل شيء أنا عمري ما...