انا دايم رازه خشتي في هالقسم بالرغم ان عانس مع شهادة حسن سيره وسلوك بس مايمنع اشوف سواليف الحريم تعبنا يوم كنا صغار يقولون عيب تسمعين هرج الحريم خلاص عدت علينا العيب الحين المفروض عيالي طولي :35:
تدروون كل مافرح واحط موضوع منقول ماشوف الا شوشتي طايره الله يهدين هالمشرفات ينقولونه على طول مير رسايلي الخاصه كله من ادارة المنتدى ياناقلين الموضوع ولا مقفلينه لحول لله وش يدريني ان كل المواضيع بالدنيا خلصوها هالحريم صدز يوم قالو هذرتهن واجد :39:
احس الحين هالمشرفات الله يطول باعمارهن من يشوفون حاطه موضوع ويشوفون صاحبة النك الا على طول نقل للقسم مواضيع مكرره احس بالاخير القسم المكرر مافيه الا انا هههههههههههههههههههههههه
بيني وبينكم حبيت هالمشرفات صايرني انا وهن نلعب غميمه اتوزى ويلاحقني الله لا يعمهين ويخليهن لا اهلن <<< تزين لسانها كود يحبونها
المهم مالكن بالطويله الجو مره روعه بالدمام وقدامي كوب النسكافيه قلت ابسولف معكن لا تقولون اني بنت ماعرست ماسولف ياويلكم ها << بعد تهدد
المهم هالموضوع مهوب ناقلينه لاني انا كتبته بنفسي
ابقولكم عن قصص نصيب سبحان الله عاد انا من يجي طاري خطبه ولا اي سالفه ماتشوفون الا ذيك الابستامه شاقه خشتي ياني اموت بسوالف بعذري هم العرس ذبحني متى اعرس وافتك :44:
خلاص ياكثر تشكي الحمدلله لي رب ماينساني الله يرحمني برحمته
المهم اخت الزوج قالت لنا تقول كنا رايحين انا وامي نخطب بنت اكيد اجل رجال << خلاص لا تستخفين دمتس واجد ههههههههههه
المهم تقول بالصدفه سبحان الله الا بنت اختهم جايه من الشرقيه الين الرياض عند خوالها المهم تقول ماخبطنا ولا شي يوم رجعنا للبيت اعجبتنا بنت الاخت وهي بنفس العمر مع الخاله ونروح نكلم ام البنت بالشرقيه ونخطبها ويتم الزواج تدرون وش صار
تزوجها الرجال وراح بعثه لامريكا ابد 4 شهور ويرجعها لبيت اهلها وهي حامل ويطلقها وجابنت بنت وهي كان عمرها 19 سنه وسبحان الله وتجلس مطلقه حوالي 3 سنوات وتتزوج واحد كبير بالسن عنده حرمتين والخاله تزوجت واحد بعمرها ومبسوطه شوفتو النصيب كيف !
القصه الثانيه هذي صديقة اختي عمرهن ماركبو طياره بحياتهن دايم يرحون الرياض ولا سدير بالسياره واذا انحدو راحو بالقطار لانهن بالشرقيه المهم اخوهن قال لهم انا مستعجل وابرجعكم للشرقيه بالطياره وهن 4 بنات مع اخوهن يعني ظابط واربع حريم << يامصلي لازم انكت
الا يجلس يم اخوهن شاب وين المطافي عنه هههههههههههههههه<< خلاص بلا سماجه
ويتعرف على اخوهن وعرف انه ذولا خواته ابد ماكمل اسبوع الا يخطب الكبيره وهو اول مره يعرفهم وتزوجت ومبسوطه معه مشاءالله
وحده تقول لنا بنفسها كنت اصلي بالمسجد انا وامي واختي برمضان الا تجي ذيك الحرمه ونسولف معها بعد كم يوم تخطبني لولدها سبحان الله النصيب اذا ربي كتبه ماله وقت ولا يوم ولا مكان
انا بيني وبينكم قلت ابركب صاروخ وابروح للقمر كود مافي الا انا وهو وينحد يخطبني << اهجدددي محلتس بس
عاد فيه ناس قالو البنت اللي تخطب تطلع مناسبات وجمعات كثير مهوب شرط اعرف وحده الام والبنات من كثرة طلعاتهن اخاف تشوفونهن يطلعن مع بزبوز الماء ولا توجن ولا شي
وحده من جماعتي هي وبناتها بالبيت قليله طلعاتهم الا لاقاربهم ومعارفهم ومشااءلله اربع بنات تزوجن بسرعه وبعمر صغير
ابد حطيت هالموضوع منها اوسع صدري ومنها تعطوني قصص عن النصيب
كود يزيد تفائلنا بها هالحياة
وعاد ماوصيكم تدعون لي انه ماتخلص هالسنه الا انا متزوجه ودايم مسنتره بقسم الحوامل هالقسم الا مابعد تشرف بطلتي << احلفي بس
معاناة أنثى @maaana_anth
كبيرة محررات
يلزم عليك تسجيل الدخول أولًا لكتابة تعليق.
ياربيه سواليفك عسسسسسل
ياحظ اللي بيخاذك :)
صادقه الواحد مايدرري وين النصيب
الا بسالك كم عمرك ياقلبي >>ياشين اللقافه
ياحظ اللي بيخاذك :)
صادقه الواحد مايدرري وين النصيب
الا بسالك كم عمرك ياقلبي >>ياشين اللقافه
ياربيه سواليفك عسسسسسل ياحظ اللي بيخاذك :) صادقه الواحد مايدرري وين النصيب الا بسالك كم عمرك ياقلبي >>ياشين اللقافهياربيه سواليفك عسسسسسل ياحظ اللي بيخاذك :) صادقه الواحد مايدرري وين النصيب الا بسالك...
تسلمين هذا من ذوقك
ياقلبي لا لقافه ولا شي اكثر وحده مسويه دعايه على عمرها انا
ياطويلة العمر عمري 39 سنه شفتي حظي وشلون :35:
الحمدلله على كل حال
ياقلبي لا لقافه ولا شي اكثر وحده مسويه دعايه على عمرها انا
ياطويلة العمر عمري 39 سنه شفتي حظي وشلون :35:
الحمدلله على كل حال
lenaaa
•
الله يرزقك الزوج الصالح التقي النقي اللي يخاف الله فيك
ويسعدك ربي دنيا واخره يااارب
ءااامين
ويسعدك ربي دنيا واخره يااارب
ءااامين
الصفحة الأخيرة
ويسعدك ربي دنيا واخره يااارب
ءااامين