حبيت أعرض عليكم هذه الخطوات لأني عارفة انه موضوع مقلق أكتر من انه صعب خصوصا لو كانت اول مرة تسافري فيها وكنتي مسافرة لوحدك لزوجك لأول مرة
اتمنى ان يستفيد الجميع بهذا الموضوع
أولا الأوراق المطلوبة
1- جواز سفرك وجواز سفر للأطفال لو فيه
2- قسيمة الزواج مختومة من وزارة الخارجية
3- شهادة ميلاد الأولاد مختومة من وزارة الخارجية
4- شهادتك الجامعية مختومة من الجامعة ووزارة الخارجية دا لو حبيتي تشتغلي هناك
5- عدد كافي من الصور الشخصية بخلفيات بيضة لكي وللأولاد
ثانيا الخطوات بالترتيب
1- هتروحي تعملي جواز سفر ليكي من الجوازات في محافظتك
2- هتعملي جواز سفر للأطفال لو فيه طبعا لأنه اتلغى حكاية انهم يتضافو على جوازك دي
3- هتاخدي القسيمة وتروحي بيها أي فرع من فروع مكاتب الخارجية في محافظتك وتقوليلهم انك عايزة تختمي القسيمة دي منهم
هيقولوا لك روحي محكمة الاسرة الأول هاتي منهم اذن موافقة انهم يختموهالك من الخارجية
فالأحسن تروحي المحكمة الاول تختميها منهم وبعدين تطلعي على الخارجية
4- هتاخدي كمان شهادة ميلاد الاولاد الالكترونية وتروحي تختميها بردو من الخارجية وهناك هيطلبو منك اذن من السجل المدني علشان يختموها فالأحسن تروحي السجل المدني الأول تاخدي اذن موافقة وبعدين تطلعي على الخارجية
5- هتعملي نفس الموضوع مع شهادة الجامعة لو عايزة تشتغلي هناك
6- خلاص ختمتي كل أوراقك هتاخدي الأوراق دي كلها
القسيمة المختومة - شهادة ميلاد الاولاد المختومة - جواز سفرك - جوازات سفر الأولاد
وتدخليهم اسكانر وتطلعي صور واضحة ليهم وتبعتيهم لزوجك على النت بس المهم يكونو واضحين
من الأفضل ان يكون زوجك معاه نسخ أصلية من هذه الشهادات ومش ضروري تكون مختومة ودا لأنهم ممكن يطلبو منه ألاصل هناك علشان يتطلعو عليه بس
7- هيروح زوجك الخارجية في السعودية ويدي لهم الاوراق دي طبعا مع الأوراق الخاصة به زي شهادة بالمرتب وبموافقة الغرفة التجارية وشوية حاجات كدا هو اكيد هيعرفها
وهيروح يطلع حاجة اسمها الورقة الصفرا ودي بتطلع في حوالي 4 ايام هيستلمها في خلال 4 ايام
8-أنتي بقى أول ما الورقة الصفرا دي تطلع وزوجك ياخدها تنتظري حوالي عشرة أيام حتى تصل الموافقة للقنصلية السعودية وبعدين تبدأي في استكمال باقي اجرآتك واللي لازم تسافري لها القاهرة لو أنتي مش من القاهرة
---------------------------------------------------
اتمنى تقيييييييييييم الموضوع
. تابعيني في المشاركة التالية
لو مش عايزة تعملى الخطوة دىهيقولوا لك روحي محكمة الاسرة الأول هاتي منهم اذن موافقة انهم يختموهالك من الخارجية
فالأحسن تروحي المحكمة الاول تختميها منهم وبعدين تطلعي على الخارجية
اعملى القسيمة كمبيوتر اناعملت كدة
أرقام تليفونات وعناوين أشهر مكاتب السفريات التي تقوم بتخليص اوراق الاستقدام لكي
"شركة فهد نت " للسفريات
عناونه في نفس منطقة مركز "جامكا"
امام القنصلية السعودية 1 شارع الحديقة جاردن سيتي
وهذا هو رقم تليفونهم: 27955052
موبايل: 0101138384
oom omar @oom_omar
عضوة جديدة
يلزم عليك تسجيل الدخول أولًا لكتابة تعليق.
oom omar
•
الصفحة الأخيرة