الخطوبة وقلة ذوق اهل الخاطب

السلام عليكم ورحمة الله وبركاته
بتكلم في الموضوع على طول
اعرف وحدة تقول ناس معارف لمها وهم جيرانهم بس بعيد شوي عن بيتهم
بينهم معرفه جيره وثنتين من بنات جيرانهم دارسين معها ووحدة كانت صديقتها في فترة معينة وفرقتهم الايام
ام جيرانهم كانت كل يوم تتصل على امها والا بنخطب من عندك ونبي نناسبك
وبنتي فلانه لما درت اننا بناسبكم فرحت اننا بنسبكم واخترناكم
وتمدح في اولادها كل يوم قالت يوم بيجونكم بناتي يشوفوا بناتكم
برغم انهم شايفينهم عارفينهم ماعداء وحدة كانت صغيرة
المهم جاء اليوم الي يشوفونهم فيه تجهزوا
بعد ماشافوهم مرت 3 اربع ايام خلو امهم تتعذر
تقول الام ان بناتي اعجبوهم بناتك وان اولادنا مايدرون اننا بنخطب منكم واولادنا يبون موصفات !
والام تقول انا خطبت منكم بدون مااشاور عيالي وتتعذر
طبعًا الي جاو يشوفونهم 4 من بناتها الي هم جيرانهم
الكلام هنا عن قلة الذوق في انهم جيرانكم وشايفينهم من قبل
وان فيه وحدة كانت صديقة الي خطبتوها !! كيف يعني ماكنتوا تعرفون مواصفاتها !!
الموقف فيه قلة ذوق من اهل الي اخطبوا لانهم جيران وشايفينهم ماعداء الصغيرة
بس الي صار لها الموقف تقول 2 منهم شايفيني في المدرسة يعني عارفين شكلي
من البداية اذا اخوانهم لهم موصفات معينه ليه يجون يخطبون ويوتروني بعدين يتعذرون حركتهم كلها مالها داعي
لانهم عارفيني واحنا جيران و2 دارسين معي
انا رايي ان موقف جيرانهم فيه قلة ذوق وادب
احد يخطب من جيرانه ويسوي حركة زي كذا وهم شايفين البنات وعارفينهم ويقولوا اخونا مايدرون خطبنا من وراهم
والام تقول انا الي ابيكم بس عيالي يبون موصفات معينة
على اساس بناتها الي جاو يشفونهم مايعرفونهم من قبل
فيه ناس يدورون من بيت لبيت ويعملوا مثل هذي الحركة ويجون كل البنات يشوفون البنت
ويطلعون ماخذينها فره ودواره بالبيوت من بيت لبيت حتى لو يعرفونهم يسون حركات واحرجات
من قلة الأدب والذوق اني اخطب من جيران لنا واكون صادقت بنت جيرانا واجي اخطبها واشوفها
بعدين اسوي نفسي اني اول مرة اشوفها وان اخواني انا خاطبه على شور امي وامي الي تبيكم بس اخواني عندهم شروط وموصفات معينة
عارفين اهل البيت لاتخطبون منهم وتحطونهم في مواقف محرجة وانتوا عارفين ان الموصفات الي اخوانكم يبونها مو في البنات
شيء من الذوق والأدب في الخطوبة ومرعات للمعرفة والصداقة والجيره
انا مااتخيل نفسي اخطب بنت جيرانا الي صادقتها فترة وانا عارفتها وعارفه شكلها واجي بيتهم اخطب انا وكل خواتي واخليها فرجه
بعدين ارسل امي تقول لهم ان اخواني يبون موصفات ! قلة ذوق ووقاحة مني لو اسوي كذا فااحد
بس فيه ناس تعدوا الوقاحة وماعندهم اسلوب هذا وهم شايفينهم وجيرانهم!!
مثل ماترضون احد يسوي لبناتكم كذا لاتسون لبنات الناس كذا
المشكلة للوقاحة اشكال والوان وناس حتى اسلوب مافيه
اي احد بيخطبو من احد خليكم ناس ذوق ولبقين بالأخص اذا كنتم جيران ومعارف وعلاقتكم طيبه
لاتخربون العلاقة بمواقف مثل كذا ماتنسي