الخطوبه مش امر سهل !!! تعالو شوفو ...

السلام عليكم و رحمة الله و بركاته .... من حبها له طلبت منه ان يشرف ابوها ويخطبها
بس هو متردد شوي و قاللها مش ساهله اني اجي و اخطبك .... مع العلم بأ هذه الابيات من تراث بلادي
وكلماتها بالهجه العاميه يارب تنال اعجابكم .... و قولولي ايش رأيـــكم .... تعالـــــو

تحسابيها ساهله كلمة اخطبني
مانقدر ياغزيله بوك ايتعبني
تحسابيها ساهله انديرو كيف تبي
و الله ماهي ساهله يفتحلك ربــــي
تحسابيها ساهله انجيب اماليا ( اهلي)
الحاله ماهي باهيه و الفلوس شويه
تحسابيها ساهله كلمه تبيني
و الله ماهي ساهله كانك تخطينـــــي
تحسابيها ساهله لبسني الدبله
مانقدر ياغزيله تاريتك هبله
تحسابيها ساهله انجيب الخطابه
لا ما نقدر ياصغيره و ماني في بابه
تحسابيها ساهله بنتزوج توه
و الله ماهي ساهله هادي غير دوه
ما احب اطول عليـــــكم لو عجبتكم قولولي كملي ياقمــــر .........تحياتي للجميع