بنات اتشوق دايم لما اسمع وحده فيكم مخطوبة اني اعرف طريقة الخطوبة في كل بلد يريت كل وحده تدخل وتقوللنا طريقةالخطوبة في بلدها على فكره الخطوبة ممكن تختلف بالبلد الواحد فما بالكم بين البلدان
مثلا عندنا بالكويت تبدا الخطوبه بالرؤيا يعني لم يذكرون البنت لعايلة الشاب يروح يشوفها اما في عملها او في بيتها مع اهلها و اهله او يتواعدون العائلتين يعني مثلا ام البنت او اختها تطلع معاها مكان ويقعدون بكفي شوب او مطعم ويحضر الشاب مع امه او اخته ويجلسون في طاولة قريبه منهم عشان يقدر الولد يشوفها واغلب الاسر ما تقول للبنت عشان ما تحرجها او تشغل بالها قبل قبول الشاب للبنت
بعدين اذا حصل القبول غالبا تشترط البنت انها تشوف الشاب وتقعد معاه بحضور محرم عشان تسمع طريقة كلامه واسلوبه واذا عجبها تبدا خطوات الخطوبه الرسمية
1- حضور الحريم واهم ام المعرس وخواتها توسع الدائرة او تصغر باتفاق الطرفين يعني مرات يوصل العدد 20 ومرات يكونون 2 وبحضور الحريم يتم الطلب الرسمي للعروس يعني ام المعرس او اخته تطلب يدها رسمي بتعيين اسمها واسمه عشان ما يصير غلط .
2- حضور الرجال وغالبا تكون الدائرة اهني اوسع للاعلان ونفس الشي تطلب البنت من وليها رسميا بحضور الجميع للمعرس بالاسم ويرد عليهم بالقبول علانية
3- يحدد موعد الملكه ويكون برضى الطرفين وغالبا تستعجل الاسر بالملكه وما تطول الخطبه عندنا ويحق للعروس بعد الاعلان انها اتكلم المعرس بالتلفون عشان يتعرفون على بعض ويحصل توافق بينهم ويتفقون على الامور الاساسية ومن الامور المستحبه ان الاهل يعزمون المعرس على الغدا والعشا بحضور المحارض للتقريب بين الطرفين ببيئة صحيه على مرئى منهم عشان هم اهم يتعرفون على المعرس .
وبعد الملكه يكون العرس والفال حق اللي مو متزوجات :icon28:
rawnd @rawnd
محررة
يلزم عليك تسجيل الدخول أولًا لكتابة تعليق.
rawnd
•
يلا بنات سمعونا اليبايب وكل وحده تقول طريقتهم
الخطوبه في السعوديه تختلف من مجتمع لمجتمع..
فيه ناس تتم الشوفه الشرعيه وبعدها اذا وافقوا العرسان على بعض يتم تحديد موعد الملكه..
وفي الملكه يتم التلبيس..
فيه ناس التلبيس يكون في حفلة خطبه قبل ان تصير ملكه..
وفيه ناس الملكه تكون بنفس يوم الزواج.. فالتلبيس يكون عالكوشه..
واكيد فيه اكثر.. هذا اللي اعرفه في نجد بس..
فيه ناس تتم الشوفه الشرعيه وبعدها اذا وافقوا العرسان على بعض يتم تحديد موعد الملكه..
وفي الملكه يتم التلبيس..
فيه ناس التلبيس يكون في حفلة خطبه قبل ان تصير ملكه..
وفيه ناس الملكه تكون بنفس يوم الزواج.. فالتلبيس يكون عالكوشه..
واكيد فيه اكثر.. هذا اللي اعرفه في نجد بس..
today
•
عزيزتي احنا عندنا الخطوبة الولد يشوف البنت واكيد هو شايفته لو يشوف صورتها او امه او احدى قريباته العروس تكون تعجبة وتذهب ام العريس واختة او خالاته عماته لخطبتها ويشوفوها وبعدين اذا ياخذون الاوكي يتفقون يجون الرياجيل ويقرؤن الفاتحة مع ابو الفتاة اي العروس واي محرم اذا ما كان لديها والد
وبعدين يجيبون النيشان اي الذهب بعد مايكونون متفقين على الحاضر والغايب وسالين على اهل الولد وبالعكس طبعا واذا ارادوا يعقدون في نفس اليوم من تكون الخطبة والذهب يلبسو للعروس وياتون بالشيخ للعقد ويصدقوا بالمحكمة وهذا كله على شان يحللون الجلوس بينهم اي تحليل جلوس العريسين مع بعظهم ويتفقون على الباقي البنت والولد وعادي انهم يكونون جالسين سوة ويطلعون سوة ويستعجل بالزواج ومبروك مقدما هذا هو الزواج هههههههههه
وبعدين يجيبون النيشان اي الذهب بعد مايكونون متفقين على الحاضر والغايب وسالين على اهل الولد وبالعكس طبعا واذا ارادوا يعقدون في نفس اليوم من تكون الخطبة والذهب يلبسو للعروس وياتون بالشيخ للعقد ويصدقوا بالمحكمة وهذا كله على شان يحللون الجلوس بينهم اي تحليل جلوس العريسين مع بعظهم ويتفقون على الباقي البنت والولد وعادي انهم يكونون جالسين سوة ويطلعون سوة ويستعجل بالزواج ومبروك مقدما هذا هو الزواج هههههههههه
الصفحة الأخيرة