الخطوط البيضاء والحل عندي (مجربة)

السلام عليكم
الصبح كنت اتصفح المنتدى وقرأت موضوع لأخت من الاخوات كانت تحكي انها استخدمت كريم لإزالة الخطوط البيضاء ..ما بعرف انا ما قرات الموضع كله..بس قرأت اول صفحة وأظن صفحة رقم 6 او 7..المهم اني استنتجت انو الموضوع ما كان مفيد والاخوات شككوا بقدرة الكريمات باالعلاج
فسجلت اشتراك بالمنتدى خصوصا لأكتبلكم عن تجربتي وبعدين ما قدرت اعلق على الموضوع لأنو تأخر تفعيل اشتراكي..ما علينا مش هاي قضيتنا..
أنا من الناس اللي السانة الماضية زاد وزني تقريبا 10 ( كانت مرحلة ثانوية عامة-مرحلة فجع!! :11:) ومن اول ما زاد وزني 3 كيلو تشققت رجلي من عند الحوض حتى الركبة
وكرهت حالي
اول شي الخطوط ما كنت بيضة..كانت لونها مثل الدم ..حمرة وبعدين صار لونها تدريجيا يتغير ..
وللحين ماصارت بيضاء..
المهم دورت كثير على علاج طبيعي عن طريق الانترنت وبالاخير وصلت لنتيجة انو هالخطوط ما إلها علاج وعوضي على الله
حتى العلاج بالليزر او الاشياء هذه ما مفيد كتير..
انا حاسة اني ولت بالموضوع وانتو بداتو تكرهوني..بس انا مقهورة شوي
لما اجيت اعقب على الموضوع ما لقيته..إما أنا ما شفته (( الصراحة انا هلأ نعسانة)) أو انو الموضوع انحذف
:44:
طيب طيب بحكيلكم انا كيف عمبتعالج








هاد مرة كنت بالجامعة وشفت صديقتي فاتحة منتدى عالم بلا مشاكل

وضمن العنواين إزالة الخطوط البيضاء..فحكيت لصحبيتي تفتح الموضوع وفعلا انا جربت الطريقة اللي كانت موجودة واستفدت
هذا العلاج لمدة شهر وراح تلاحظي النتيجة من اول اسبوعين
خلينا نبدا : بسم الله الرحمن الرحيم
هاد قبل النوم بتجيبوا خل التفاح وبتدهنوا المناطق المتشققة وبتخلوه لثاني يوم الصبح..
في ناس ممكن تحكي انو رائحته مش حلوة..بس اول يومين ممكن تتضايقي بس عادي بعدين بتتخدري :23:..يعني بتتعودي عليها
انا استخدمت الخل لمدة 10 ايام تقريبا..الخطوط اللي قريبة على الركبة اختفت..والخطوط اللي قريبة على الحوض ما راحت بس احسن من اول..انا ما كملت العلاج لأني انشغلت بالامتحانات بس ناوية اكفي الطريقة بالصيف ان شاء الله
والله لولا ما اني استفدت ما كان سجلت بالمنتدى خصيصا عشان افيدكم معي
وحكيت الطريقة لكل اللي بعرفهم وحكولي انهم استفادوا
اول مرتين انا شخصيا استخدمت الخل كنت احس بحرقة ..او اني بدي احك..بس لما كنت انفخ كان يبرد شوي وبعدين بالايام الثانية كان عادي

إذا في وحدة حست انو صار حساسية قوية من الخل ممكن اظن تخففه بشوية مي..بس انا جربته من غير تخفيف

اوكي بشوف الموضع لبعد عشر ايام إذا حدا استفاد يفرحني معه
وما تنسوني من الدعاء
اختكم