GabGooba @gabgooba
عضوة جديدة
الخطيب اللي أهلـه طفشوا
السلام عليكم ورحمة الله وبركاته.
أخواتي العزيزات.. أنا بنت من الإمارات وتحديدا من مدينة دبـي.
تبدأ قصتي من سنـة 2006 حين تخرجت من الكليـه حاصله على شهادة الباكاليريوس وتوظفت الحمدالله بعدها على طول وكان أول شغل لي.. نفس السنة كنت راجعه من الحج الحمدالله...
المهم.. وأنا كنت توني موظفه جديدة.. تعلمت الشغل وكان فريق عملنا ينعدون على الأصابع.. منهم واحد اللي حط عينه عليه.. وحاول يكلمني ويعرف عني معلومات..
وبعدها بكم شهر فاتحني بموضوع الزواج. وانه شاف فيني البنت اللي يتمناها... وبالفعل أتصلوا أهله ليتعارفوا على أهلي و حددوا موعد بعد هالمكالمه بتقريبا سنه ونصف...
أتوا رسمي للبيت للخطبه آخر سنة 2007...
أبي كان موافق كونه يعرف عم الولد.. الوالده كانت معارضه لأنهم مب من مدينة دبي ولكن من مدينة (دبـا الحصن) قريبة من الفجيرة..
المهم بعدها الجماعه كانوا يتريون الرد وامي معانده.. ومتومترة ومب عارفه شو ترد عيهم .. وانا كنت موافقة طبعا لانه رجل صادق وابي يعرفهم جيدا وهو أيضا لم يمانع...
المهم الوالده كانت تسالني عن راي وكانت تتنرفز يوم أقولها اني اشوفه ريال زين من اخلاق .. الخ.
أخيرا ردت الوالده عليهم .......................................
ولكن كانت الطامة الكبرى :mad::44:
بعد عددة مرات وأنا أقول لأمي أني موافقه على الرجال وأبي موافق .. الا أن أمي ردت عليهم بالمسج فقط لاغير بعد عدة أشهر .. على أنه ليس هناك نصيب بيننا ..
................................................................
بصراحة حزنت ولم أعرف لماذا ؟
أسبابها كانت أني بسكن بعيدة عنها.. وللعلم أن الولد يشتغل ومستقر من أكثر عن 6 سنوات في دبي.. و أهله قالوا لنا أننا بنسكن في دبي.. او اللي يريحنا !
ررغم هذا تسكرت الأبواب .. وكلن راح في حاله ...
شروط أهلي انه الرجال لازم يكون من نفس المدينة.. ولازم يكون من عايلة أهلي يعرفونهم عدل....
المهم في نفس الفترة 2006 أتى شاب لخطبتي من نفس المدينه وناس معروفين .. امي لم توافق. ولم أعرف الأسباب.. رغم انه فيه كل الشروط اللي تتطابق مع أهلي...
المهم في سنة 2008 او بداية 2009:time: أتصلوا أهل الرجل مرة أخرى للتقدم لخطبتي مرة ثانيه ..
الا هالمرة أبي كان اللي غير راض :icon33:
وامي كانت موافقة وتقنع أبي عالموافقه.. وهو كان يقول أنه من مدينة أخرى و اين سوف سكنون؟ ومردهم ييرجعون الفجيرة.... الخ ...................................
سبحان الله نحن في بيتنا كل شيء فيه متناقض...امي موافقه.. ابي لا .. والعكس صحيح .. ونحن في النص الضحايا..........
من 2006 – 2010 لين هذي السنه لين أحين محد أتى لخطبتي غير هالرجالين ,لم يتم الموافقه عليهم لأسباب تافهه في نظري .....
عمري كان 25 .. هو العمر اللي كنت أحلم فيه أني أتزوج وأستقر وأكون أسرة ...
واليوم أنا 29 والحمدالله على كل حال... السنوات تمشي والعمر يمضي ... والحال نفسه....
ماأعرف وش الحل ؟ يمكن أنا ضعيفه جدام أهلي ومالي كلمه قويه.....
أو أن سكوتي يمكن خرب علي.....؟
أو هل اذا واجهت أهلي وأصريت على رايي.. أخاف أهلي يزعلون مني.... واهم شيء رضا الوالدين..
بس الزواج تكملة نصف الدين.. وستر .. واستقرار...
عطوني حل رجاءا..... أهلي يحسبون أني بعدني صغيرة على الزواج :44: وانا راح أكمل 30 السنه الجايه...............
والله أتحسر يوم أشوف صديقاتي بعمري عندهم 2-3 أطفال في الرابعه والخامسه من العمر :angry:
خاطري مكسور ومب عارفه شو أسوي .. ابوي قبل 4 سنوات كان يقول البنت لازم تتزوج .. مالها بعد أهلها غير زوجها ..
ألحين يقول الزواج مب كل شيء .. لازم الوحدة تشتغل وتكون نفسها ويكون عندها شغل خاص يدخله ويستفيد من شغله...
علمأ أني أنا الأن الحمدالله شغلي ممتاز وحاصله على شهادة الماجستير خريجة 2009
مع هذا محد مقدر من اهلي :icon33: ومادري شو يبون أكثر ..............................
النصيحه ياخواتي ودعواتكم بان الله يهدي أهلي ويصخرهم لي ويوفقني يارب..
:44:
27
3K
يلزم عليك تسجيل الدخول أولًا لكتابة تعليق.
كن كن ++
•
ربي يكتب لك الخير ويسخر لك أهلك ويهديهم ويوفقك ويرزقك الزوج الصالح
لآفندر
•
يـ عمري اولا و اخيرر نصيبتس مابعد جا
ثاني شي يالغلا والله لو كل الناس وقفت ضد هالزواج
وربي اراد صدقينن راح تاخذينوووه غصب عن الكل
انتي صلي بـ اخر الليل و اسسسسسستغفري
وإقري سووره البقره كل يوووووووووووووم فيها بركه سبحان الله
وتشفي من كل عين و حسد لا قدر الله بعد الله سبحانه و تعالى
وألحححححححححححححححححي بالدعاء ياوخيتي ربي يحب العبد اللحوح
واتذللي لله سبحانه و تعالى وان شاء الله تبشرينا عن قريب يارب العالمين
وكل محروووووومه وترزق كل من تبي الذريه الصالحه
وتنول لكل بنات حواء مرادهن يارب العالمين
ثاني شي يالغلا والله لو كل الناس وقفت ضد هالزواج
وربي اراد صدقينن راح تاخذينوووه غصب عن الكل
انتي صلي بـ اخر الليل و اسسسسسستغفري
وإقري سووره البقره كل يوووووووووووووم فيها بركه سبحان الله
وتشفي من كل عين و حسد لا قدر الله بعد الله سبحانه و تعالى
وألحححححححححححححححححي بالدعاء ياوخيتي ربي يحب العبد اللحوح
واتذللي لله سبحانه و تعالى وان شاء الله تبشرينا عن قريب يارب العالمين
وكل محروووووومه وترزق كل من تبي الذريه الصالحه
وتنول لكل بنات حواء مرادهن يارب العالمين
ّّ الله يكتب اللي فيه الخير .... وحبيت اقولج لا تحسبين اللي مر من عمرج هباء ,,,, انتي ماااااشاء الله عليج انجزتي وخذيتي الماستر ,واعتقد انج Proficianal في شغلج ...... ببساطه انتي انسانــــه وامرأة ناجحة You are a woman with a career ..... والله يوفقج ويسخر لج أهلج عسب تكملين نص دينج .....
GabGooba
•
مشكورين على ردكم .. والله أني استانست يوم شفت ردودكم ونصايحكم ...
وكاتمه دمعتي في خاطري..
الله يوفق الجميع يارب
وكاتمه دمعتي في خاطري..
الله يوفق الجميع يارب
الصفحة الأخيرة