مشكوره اختي كويتيه على هذا الموضوع

بالنسبه لي ماناسبني الخميره الفوريه للشعر والكثيراء مدري احس جففت شعري مرره

وكمان اسكينول ماناسبني

وجزاكم الله خير

السلام عليكم
يعطيك العافيه اختي على الموضوع الاكثر من راااااائع

انا اقووووول حذاري ثم حذاري

من العسل والدارسين ( القرفه )

وجهي احتراق

ولا فيه حمره ولاهم يحزنون

صار وجهي زي الحبوب الصغيره فيه

والله كائنه محترق


وتسلمين مره ثانيه

بنات ...


جيت اقولكم على شي ثاني ما نفعني وشي ثاني نفعني....


اول شي اللي ما نفعني...

الفكس على الحبه..

انا طلعتلي حبه صغييرة مرة وقمت جربت عليها فكس كل يوم من الليل للصبح تقريبا لمدة خمس ايام

تعرفون شنو صار بالحبه كبرت وانتفخت وصار لونها اسود..


اما الشي اللي نفعني عاد هذا من عندي

لاني يا بنات جربت خلطات كثيرة بالمنتدى وما لاحضت اي تغيير

ومليت وقلت الايام هذي راح استخدم اشياء خفيفة على وجهي لاني الصراحة مليييت..

وعندي انا ماي ورد وماي مرة ومغلي بقدونس

وكل يوم احط الثلاث هذول على بشرتي بس مو ورا بعض..

مثلا يعني

اول ما اقعد الصبح اغسل ويهي بصابونه انا سويتها..

وبعدها امسحه بمغلي البقدونس ..

وبعد فترة بعد ما ينشف البقدونس

اروح لماي الورد وبعد ما ينشف

اروح للمرة..

واضل كل اليوم هكذا

بس من فترة لفترة

يعني مو ضروري كلهم ورا بعض

بس لازم تحطين كل واحد على الاقل باليوم ثلاث مرات او اكثر

بس والله يابنات بشرتي بيضت بس انا مو سمرة حنطيه فاااتحة..

وصارت خدودي حمرا ووجهي يلللمع حتى خواتي انتبهم وقالولي ليش وجهك صاير يلممع وحلو

بس


ان شاء الله تستفيدون.

اختي ممكن تكتبي طريقة عمل الصابونه

وطريقتك هل تناسب جميع انواع البشره........ وشكرا:26:

جنه انقلب الموضوع للخلطات الناجحة ...: ))

عموما أنا جربت الجلسرين مع الليمون ...لتوحيد اللون

بصراحة انا استمريت لمدة اسبوع يوميا ليلا ..

النتيجة حلوة وماشي حالها يمكن لو طولت استخدامي راح تكون النتائج افضل..
المشكلة>> يمكن بالنسبة لي ...
- زيادة التعرق وإحساس الجسم بالحرارة
- الجلسرين مادة لزجة تحسسج إنج قذرة وإهيه على الجسم طول ما إنتي نايمة..