الخلطة الخاصة بالهنود الحمر لجمال الشعر

السلام عليكم ورحمة الله وبركاته

هذي الخلطة بنقلها لكم مترجمة من مواقع اجنبية تستخدم كشامبو للشعر انا ما جربتها بالضبط لكن بقولكم قصتي معها


يخلط حليب جوز الهند مع جل الصبار الطبيعي بكميه تكفي كامل الشعر ونقاط قليلة من زين جنين القمح ويترك على الشعر ثم يغسل

وشفت بموقع اجنبي وحدة يابانية تستخدم حليب جوز الهند لشعرها قبل الشامبو فقلت اجرب

وهنا المفاجاة شعر ناعم وثقيل بشكل مو معقول انا شعري مموج لكن بعد الشامبو يصير شوي منفوش بعدين يترتب ثاني يوم لكن بعد هالماسك صار روعة وملفلف بشكل رائع تموجات بسيطة ولامعة

لكن فيه مشكلة وحدة لاحظت يسبب قشرة خفيفة يمكن من الترطيب الزايد او يمكن لاني استخدمت حليب جوز الهند البودرة في ماء مغلي وخليته يبرد شوي بعدين حطيته في شعري ولفيته والاطراف صارت قاسية لانه بقت بودرة الحليب كانها جل

فنصحيتي استخدموا الوصفة بالضبط مع الصبار لانه معروف يعالج الفروة ومايسبب قشور او غسلو شعركم زين بعد حليب جوز الهند

والسلام ختام