مرحباآا بنات شحالكم؟؟ عساكم بخير و سهالة ان شاء الله
اليوم اباآ اكتب عن تجربة خاصة فيني جربتها ويابت نتايج تهبل
هالخلطة السحرية اللي بكتب عنها قريتها في القسم من احد الأخوات يزاها الله خير ما اذكر اسمها واذكر انها قالت في الموضوع انه هالخلطة من نصايح امها الله يرحمها لها
وانا من طبعي اتحمس بالبداية على الخلطة اللي اكون محتاية لها بس بعدين مايتم لا حماس ولا هم يحزنون و اتكاسل
لكن لما قريت هالخلطة ماآاشي اسهل منها و ممكن كل وحدة مننا تسويها بكل بساطة و بدون تعب
وأباآا اكتبلكم عن مشكلة شعري اللي تمت معالجتها بفضل الله ثم فضل هالأخت وأمها الله يرحمها
انا شعري طبيعته طويل وايد وناعم وكثيف بسم الله ما شاء الله أذكرو الله يا بنات لأن والله ما سبب هالمشكلة غير العين الله يبعد عنا شر العيون وحسدها
كلمن شافني يمدح في شعري والكل منهبلين عليه
لين ما يا بنات شعري بدا يخف وايد و يتساقط بشكل رهيب و حتى صار عندي صلعة خفيفة بالشعر من الأمام ومشكلة ثانية بعد انه كان يعذبني لما اسرحه
المهم بعد ما أستخدمت هالخلطة الكل لاحظ الفرق من بعد فترة بسيطة وحتى بدون ما يعرفون شو السر
الخلطة يا بنات هي أنك ترددين بسم الله ما شاء الله لا قوة الا بالله طول ما تسرحين شعرك
وبسسسسس هذا كل اللي سويته والله شاهد
والمعروف ان كلشي ينذكر فيه اسم الله يكون فيه بركه و الله والله والله الفرق بان عندي بشكل عجيب
و استويت اسرحه وانا على كل راحتي و لا يعذبني ولا احس فيه اصلاً
و كل ما اشوف شعري كيف تغير ادعي من كل قلبي لهالاخت و اترحم لأمها
وسلامتكم عساكم تستفيدون انتو بعد من هالتجربة