الخلطة الهندية العجيبة لانبات واطالة وليونة الشعر

الخلطه الهنديه العجيبه لانبات واطاله وليونه ولمعان الشعر / مجرب
السلام عليكم عزيزاتي
اليوم بقول لكم تجربتي مع هالخلطه الهنديه .

بصراحه هالخلطه عطتني اياها هنديه في صالون وقالت لي لا تقولين لحد بس انا ابغي الاجر والله

يشهد ان اللي قالته لي طلع كله صح قالت لي ان هم في الهند يسوون هالطريقه وانا بصراحه سعيده

جدااا بالنتائج والله يابنات شي عجيب ....

هذي الخلطه تنبت الشعر 100% وايضا تخليه طري وناعم ولامع وتطوله بعد

الاشياء اللي نحتاجها

1- زيت Anoop تحصلونه في محلات الهنود هو زيت لون علبته خضراء





2- زيت جوز الهند حتى لو كان برشوت لان برشوت ايضا جيد





3-زيت اللوز

4-زيت الخروع

5- ماء ساخن

6-فوطه خاصه للشعر ((طبعا ستتسخ ))

7- كاب للشعر

8-قطن الخاص بالوجه

9-ورق نايلون ((الخاص بالاكل))

الطريقه : :

تاخذين طاسه صغيره وتحطين الزيوت بكميات متساويه وتكثرين من جوز الهند ...

ثم تحطين القطنه في الزيت وتعصرينه شوي وتحطينه على فروة الراس مع التدليك بالقطنه

فهمتوا شلون اعتقد سهله يعني نوزع الزيت في الشعر عن طريق القطن لانه يدخل كميه للفروه

لين خلصتوا الحين نسوي تدليك باطراف الاصابع مانضغط بقوه تحملوا يطيح الشعر هالطريقه

بحركات دائريه بخفه نركز على الفروه وليس الشعر .

الحين بعد ماخلصنا من وضع الزيت في الشعر و التدليلك نلفه بطريقه محكمه ...

الحين ناخذ النايلون ونلفه على الشعر كله مانخلي مجال للهواء إنتبهوا الزيت يوصل للجبهه لانه ينبت

الشعر

ونحط الكاب على النايلون ...

نحط الفوطه في الماء الساخن ونعصرها بقوه ....

بس نحاول ان البخار يتم فيها ونحطه على الراس ونلفه مثل العمامه

لازم تلفينها بطريقه ان الحراره تبقى في الفوطه ....

ونخليه حتى تبرد الفوطه بامكانا نكرر هالعمليه اللي هي الفوطه

بس لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه ...

وصدقوني مايكمل 3 أيام الا النتايج طالعه ... واستمروا عليه لمده شهر على الاقل

وبتقولون اني قلت لكم الله يشهد انا يابنات مجربه هالشي ولين الحين

اسويها يوميااااا ....

بنات امانه الله عليكم اللي تستفيد تدعي لي

تحياتي للجميع


منقول