السلام عليكم خواتي اتمنى الكل بصحه وعافيه وسعاده
قبل ايام سويت الخلطه الصابونيه للاخت رجائي رضا ربي بعد ما قريت مدح الاخوات لها قررت اني اجربها طبعا جربتها على رجولي لانها مسمرره وشفت نتيييييييجه روعه وقلت اجربها على كل جسمي وانصحكم تجربونها قبل العيد لجسامكم عشان تطلعون نيو لوووك بياض وصفاء ولما سويتها قلت اصورها لعالمي المحبوب عشان تستفيدون وتدعونلي
اول شي هذي المقادير
ملح خشن
كركم جسم
جلسرين سايل
زيت جنين القمح
ماء ورد
ترمس ناعم
حليب بودره
نشاء
فازلين زبده الكاكو
صابون مبشور (غار-بابايا-الصابونه السحريه-صابونه كركم)
جبت قدر وحطيت فيه فنجال شاي جلسرين سايل ونفسه ما ورد ونفسه زيت جنين القمح الاصلي
وخليته لين يسخن شوي تقريبا 3 دقايق
بعدين اظفت ملعقتين كبار كركم جسم انتبهوووووو مو اكل 00
وحركتهم مع بعض وبعدين اظفت ملعقتين كبار ترمس مطحون المفروض اني بعد اضيف لوز مطحون بس ما اظفته اكتفيت بالترمس
وملعقتين كبار ملح خشن انتبهو لاتحطون ناعم ونحركهم مع بعض دقيقتين
وبعدين نظيف الصابون المبشور( الصابون مجاله مفتوح ابشرو الصابون اللي انتم ترتاحون عليه) انا اظفت البابايا والكركم والصابونه السحريه والغار فيه بعض البنات يضيفون صابون اغادير00 بس انا هذا اللي اظفته
اظفته على الزيوت وحركته بسرعه لين يندمج مع بعض
وحركت تقريبا 3 دقايق ويذوب
وبعدين شلته من النار واظفت 2م كبار حليب
بودره اي نوع وملعقتين كبار نشاء وملعقتين كبار زبده الكاكاو اي نوع انا اظفت الفازلين لانه خفيف ومرتاحه عليه
وحركت بسرعه مع بعض وبعدين حطيته بعلبه
و والمفروض اني اظيف كبسولات فيتامين اي بس استغنيت عنه وخلوها تبرد ومن بكرا استخدموها
يمكن تكون شوي قاسيه بس انا لما شفتها قاسيه عبيت باقي العلبه ماي عادي وخليها لما صار من بكرا لقيته شو ذايبطبعا بس الطبقه اللي فوق
طريقه الاستخدام ؛؛
ابلل جسمي بمويه وبعدين اوزع الصابون بالليف هذي ولاتستخدمون ابدا ليفه خشنه لانها راح تسببلكم احمرار والاحمرار راح ينقلب لسمار هذي الليفه ناعمه مره خوذو شوي من الصابون وحطوه على الليفه
وزعووه على كامل الجسم وراح تشوفون رغوه رووعه وخلوه على جسمكم وسوو اي شي حطو حمام زيت او فرشو اسنانكم والا سوو تقشير لبشرتكم المهم انها تطول بالجسم وبعدين غسلو وراح تحسون بنعومه راح تلحظون تفتيح مثل ما لاحظت ولاتنسون الترطيب انا ار طب بفازلين زبده الكاكاوانتم حطو اللي انتم تبوووووون و
خواتي ماحبيت ابخل عليكم بهالمعلومه فلاتبخلو علي بدعوه بظهر الغيب
------------
الاسئله اللي متوقعتها منكم
كم مره استخدمها
انا استخدمها كل يوم قبل لا انام وارطب بفازلين
تستعمل للوجه
انا احطها عادي على وجهي ولما اغسل احط كريم افالون للتبييض
واي استفسار انا بالخدمه
ولاتنسوني من دعواتكم لي بالفرج القريب لي ولاخواني المسلمين وان الله يرزقني انا وصديقتي اللي نتمنى وبنات المسلمين
-------
مواضيييييييييييييييعي
http://forum.hawaaworld.com/search.php?searchid=27160523&pp=15
يسلمووو روعه مررره