الخمسة كيلو اللي نزلتها ولله الحمد ما رجعت..تعالي أعلمك أسراري ومشروباتي..

السلام عليكم ورحمة الله

بنات انا من رمضان وأنا أخفف ونزلت موضوع في هالقسم عن كيفية الأستفادة من رمضان كفرصة لخسارة الوزن
واليوم جاية بقول لكم آخر مستجداتي
من تاريخ 14 رمضان لين 11 شوال نزلت خمسة كيلو يعني في شهر ولله الحمد إلين اليوم ما رجعت مع أني أسبوع الدورة خبصت بالشوكولاتة كثير لأن الدورة عندي تلعب بنفسيتي
المهم أنا ما اتبعت نظام معين بس السر إني كنت أطبخ صحي يعني مافيه زيت ولا زبدة بس فيه زيت زيتون مافيه خبز وطحين أبيض بس فيه خبز نخالة وأسمر وهكذا يعني
وكبرت صحن الشوربة والسلطة وصغرت صحن الطبق الرئيسي وما كنت أشرب إلا العصير الطبيعي اللي أسويه بإيدي بالبيت بدون إضافة سكر أو ماء وكنت أنوع بالطبخات عشان ما أمل وبنات ترى لو ركزتوا شوي تقدرون تحولون أي طبق دسم إلى صحي وبسعرات أقل
المهم أنا ما كنت ألعب رياضة لضيق وقتي وكنت أشرب ماي كثيييييييييير بين الوجبات وفيه مشروب قالوه في منتديات واجد بس محد عطاه أهميه وهو ساعدني كثير عالتنحيف وأختي اللي أصغر مني جسمها يستجيب له بقوة وتنحف عليه باليوم نص كيلو وربي وهو سهل وموجود في كل بيت وهو:
نص ليمونة صفرا تعصير ويضاف عصيرها إلى كوب ماء وتغلى مع قشرها لدقيقتين
طعمها فيه مرورة خفيفة وحامض وأنا كنت أشربه على فك الريق وقبل النوم وهو أكثر من رائع بس أنا مشكلتي بوقتي اللي مش ملكي
عموما أنا راح أبدأ فيه من اليوم مرة ثانية مرة وحدة قبل النوم والجمعه الجاية بخبركم كم نزلت بالضبط ويا ليت يكون فيه متطوعات غيري معاي عشان نشوف إذا كان ينفع لكل الأجسام والا لا
وللمعلومية تراكم بتشوفون وجهي في هالقسم كثير لأني أبغى أنزل 25 كيلو كذا >>ان شاء الله أكون خفيفة عليكم وتستفيدون مني:26:
الله يوفقنا ويحقق أمنياتنا جمييييييييع