ماشاء الله تبارك الله
هاذي طبق بنتي الله يحفظها ويفك كربتها
ويسعدها دنيا وآخرة ياليت يابنات تدعون لها
كانت منزلته في أحد المنتديات
فحبيت انقله لكم للفائدة
مادري وين طالعة الشمس اليوم و قررت ادخل المطبخ و ابدع شوي...
فقررت اسوي خبر الخمير البحريني لكن بطريقة غير ..
قلت خليني اسوي له حشوة بطاطس و اشوف شنو النتيجة ... انا الصراحة اكلت من قبل كم سنة بس ما قط طبقته ...
حياكم معاي
المقادير:
العجينة:
ا طحين رقم رقم 1بيضةملعقة كبيرة للاكل خميرة
1/2 ملعقة كبيرة بيكن بودر
1 فنجان سكر
1 فنجان حليب بودر
فنجان زيت
ماء دافي للعجن
الحشوة :
بطاطس مسلوق و مهروس قليلا..
بصلة مفرومة
فلفل اخضر بارد مقطع قطع صغيرة
مكعب ماجي
ملعقة صغيرة كمون مطحون (سنوت)
ملعقة صغيرة كزبرة ناشفة مصحون (جلجلان)
رشة ملح
الطريقة :
تخلط مقادير العجينة مع بعض و تترك لتتخمر لمدة نص ساعة او اكثر ...و تترك جانبا ...
يحمر البصل و الفلفل البارد و يضاف عليه البهارات و الماجي و رشة الملح ... ثم يضاف البطاطس المهروس ويحرك ... لمدة 3 دقائق ...
بعد ذلك تقطع العجينة و تكور كور صغيرة تحشى بحشوة البطاطس و نضغط عليها حتى تصبح كالقرص ...
تشوى الاقراص مع استخدام رشة زيت للمقلاة ... حتى تنضج ...
و تدهن بالمهياوة ... و اللي ماعنده مهياوة يقدر يسوي خلطة الزعتر بالزيت .. يضبط ترى ....
و هنا و عافية
الله يحفظك ويحفظ بنتك يااااااااارب