مرحبا اخت اسومة . تصدقين عاد نفس اسم الدلع حقي . يعني الظاهر انك سميتي على ما يقولون:39:

بالنسبة للاخت صاحبه المشكلة . هي بصراحة وقعت في اخطاء كثيرة " الظاهر انها مراهقة " وكل خطا من هذي الاخطاء جرا وراه عواقب . وعواقب على عواقب . لين صار حالها كذا:29:

وهذا كله ايش سببه " السبب ان البنات الله يهديهم ما يفكرون بعقلهم يجرون ورا عواطفهم ورغباتهم من غير لا يحسبون الف حساب":mad:

اولا : ليش تخرج مع صديقتها من غير اذن اهلها اعرف بنات كثير اهاليهم والله مايسمحون لهم بالخروج للسوق وما تمردوا على اهاليهم " ودايم اللي يسوي حاجة غلط يسويها بالخفا ما يبا احد يشوفه " وكل ما حست انها ما تبي احد يشوفها تعرف انها مسويه غلط.:06:

ثانيا : لنفرض انها خرجت واللي كان كان : وشافها هذاك النذل . كان مداها استخدمت عقلها شويه وقالت له بكل ثقه مثلا : روح قول للي بتقول له اصلا انا اخذت الاذن من اهلي"
ساعتها بيستحي على وجهه ويسكت وما راح يعلم احد.

ثالثا : هو لمن يهددها . كيف وسيلته يتصل عليها ؟ ولا يشوفها في الطريق ؟ انا من رايي يا اسومة . انها تحاول تقطع كل السبل اللي تخليه يهددها .

رابعا : ليش ما تلجا لامها وتحكي لها كل اللي صار دايما الام اكثر تفهم للامور والام بدورها تقوم بتوضيح الموضوع للاب .

خامسا : تدعي ربها في الثلث الاخير من الليل انه يحل ضيقتها ويخلصها من هذي المشكله وتثق بالله تماما انه قادر على كل شي.

ومعليش لاني كتبت بعض الاشياء بجفا شوي لاكن والله انقهرت واعتبرتها زي اختي وخفت عليها . الله يفرج عليها

وسلامي لك يا اسومة يا سميتي:27:

فيه نقطة مهمه جدا لم تتطرقوا اليها ..

الا وهي ( كيف عرف صديق اخوها ان هذه الفتاة هي اخت صديقه ) ؟؟؟؟؟


وكيف عرفت ايضا ان هذا صديق اخوها وهربت ؟؟؟ وكيف عرف رقمها ؟؟


اجابه السؤال الاول هو ان البنت ربما لم تلتزم بالحجاب الشرعي اما متحجبه على الوجه او متلثمه فقط ! ! والا كيف عرفها لانه ربما شاهدها صدفه او عنوه سابقا فعرفها ..

فلو غطت وجهها كاملا والتزمت بالحجاب الشرعي لما عرفها ابوها فمابالكم بصديق اخوها ! ! !

واجابه السؤال الثاني هو ان ربما الفتاة سبق وان شاهدته كثيرا في المنزل وربما عن ( تعمد ) يذلك والا اصدقاء كثيرين يذهبون لبيوت اصدقائهم ولم يشاهدوا اي احد من الاخوات ولا بالغط ! ! !


اذا المشكلة تكمن في الفتاة نفسها ( لديها ضعف كبير في الوازع الديني ) والدليل انها سايرته في تهديده وخافت من والدها ولم تخف من الله قبل كل شيء ..

اذا نسأل سؤال اخر ..

عندما شاهدت صديق اخوها بالسوق لماذا تهرب ؟؟؟

فلربما عرفها فعلا واكملت مشوارها وربما اعتقد انها طلعت للسوق باذن اهلها فهو ليس مسؤل عنها وليس لديه الحق في ( التدقيق ) في مثل هذه الامور العائليه الخاصه عن صديقه ..

اذا هناك سر في الموضوع بينها وبينه ! ! ! ! واستغله بما يريد ..

عموما الحل واحد فقط على ما ارى

بعد ان صورها وهددها ومكنت نفسها منه عليها ان تقف عند هذا الحد وتتوب الى الله وتدعي الليل والنهار ان الله يصرف عنها صديق اخوها ويجب ان تأخذ هذه ( عبرة ) لها مرة اخرى ..
وكما قالوا الاخوات يجب عليها ان تتصل على اقرب مركز ( هيئة ) وتشرح لهم التفصيل دون ذكر اسمها ويجب عليها ان تعطيهم ارقام تلفونات ذلك الشاب حتى يقوموا يتحذيره ونصحة والاكتفاء بما فعل بها والتوبه الى الله عما فعله والستر ززززززززززين ..

ربي ماشفناة..بالعقل عرفناة..

الحين خافت يعلم أهلها..أكثر من خوفها..من الطلعة معة!!!!!!!!

وكيف عرفتة وعرفها....يمكن من النوع اللي يختلطون!!!!!

ولو كانوا يختلطون....فما أظن أن أهلها يمانعون..أو بيعارضون طلعتها للسوق...

أنا أحس البنت..تبي ترقع مشكلتها..ولا عرفت!!!!!

اللهم أني أستغفرك ربي وأتوب إليك.