الخوف الاجتماعي دمر حياتي ساعدوني الله يرحم والديكم

لازم تروحين طبيب نفسي

يا حبيبتي هذا دليل على انك انسانة حساسة جداً و اي كلمة تأثر في نفسيتك
الخجل الاجتماعي هذا ترى نوع من الحساسية الزايدة
انظري للناس انهم مثلك لهم حسنات و لهم عيوب
و اقعدي فكري شوي في اللي تعرفينهم .. مثلا فلانة من الناس شو عيوبها و شو مميزاتها .. طيب
بهالحالة بتبتدين تحسين ان الناس لهم عيوب و انك احيانا احسن من ناس كثيرة يا الغالية ,, صدقيني
و انتي بعد احسبي عيوبك و مميزاتك .. اكيد بتلقين مميزاتك اكثر بكثير من عيوبك
و انصحك بالتمثيل ,, يعني قعدي تخيلي موقف بيحصل لك
يعني بيجونك ضيوف ,, قعدي اتخيلي كيف بتستقبلينهم و شو الكلام اللي بتقولينه لهم و المكان اللي بتقعدينهم فيه
و مثلي فعلا هالكلام جدام المرايه ,, هذا الشي بيخلي ذهنك حاضر و الكلام جاهز و السوالف اللي بتسولفينها جاهزة
مرة مرتين يا حبيبتي صدقيني بتتغيرين
انا مثلك تراني بس ما استحي كثير من الناس لان ما اشوفهم احسن مني !! بس انا حساسة و عاطفية فهذا الشي يخليني
اكون ردات فعلي شوي بزيادة و هذا الشي قاعدة اغيره بالتفكير و النقاش مع صديقاتي في المواقف اللي تحصل لي
جربي هاليومين انك تسوين اللي قلت لك عنه و بتحسين بالفرق
صح فيه شي ثاني انصحج به و هو الرياضة ... جداً جداً تساعد بالتخفيف من التوتر و خصوصا الرياضة اللي فيها نشاط مثل الجري
و السباحة و الايروبك

اول حاولي تقري الرقيه الشرعيه على نفسك ثاني حاولي تمارسي حياتك الطبيعيه في بيتك اول واستعيني بالله ولا تفكري انه يصير لك شي والخطاء يقع من كل الناس الكبير والصغير وخير الخطاؤون التوابون صح انا كنت مثلك بعدين صرت اتكلم مع الناس في موضوع بسيط مثل اسالهم عن احوالهم اعمالهم عن الاحداث الى صارت وهكذا
اذكريني بدعاك

اقراي كثير وبصوت عالي
تخيلي وانتي جالسه لحالك انه معك احد وسولفي معه ومثلي على روحك وانا مع الا خت ميس اللي اللي فوق كفت ووفت

ربي يشفيك طب جربي تقنية الحريه النفسيه
وحده كان عندها رهاب اجتماعي وتشافت
ابحثي بقوقل عن القصص لتشجيع
وابحثي باليتيوب لطريقه واكتبي وائل الاسلمي تلاقي شرح لها فيديو
بتوفيق قلبي