الخوف الزايد وش الحل

مرحبًا بنات
بنات أعاني من مشكله امي الله يخليها لي ويطول بعمرها
فيها طبع شين معنا ككل
هي الخوف والوسواس علينا
يعني اقسم بالله العظيم
اخوي الكبير عمره
٣٤سنه تعامله امي كانه ابو عشر سنين
ترفض يسافر على سيارته بحجه يسوي حادث
ترفض يسافر لحاله
ترفض بطلع يسهر
ترفض كل شي عليه وحنا كذا
ترفض اي احد يتقدم لنا مو بس نفس مدينتنا
ترفض نطلع ونسافر لحالنا مع قريباتي
ترفض تقدم على وظايف مو بنفس مدينتنا
ترفض القيادة بحجه تصدمون وتسون حوادث
امي جالسه تعاملنا كاننا ام عشر سنين او اصغر
لدرجه ماجد فينا يقدر بتحمل مسوليه اصغر خواتي
عمرها ١٩
وكلنا تفكيرنا كاننا اطفال مانعرف شي
ولا نعرف نتصرف ولا نتكلم ولا نواجه ولا نقابل ناس غريبه
حتى لما نطلع مكان نحس
انفسنا ضايعين شفتو البزر الطفل اللي تتركه امه
بمكان ويحس بخوف ويحس مايعرف يتصرف خواتي
كلهم كذا انا بعد فيني هالطبع بس موب مره يمكن لاني كبيره لاكن خواتي كذا
شي فضضضضيع اخوي كذا وهو كبير بمنتصف الثلاثين
تعببببببت نفسيا بكل شي كلمناها كلن يقولها من اقاربي
لاتسوين فيهم كذا
حتى خالتي مره كنا بالحرم وامي ماشافت اخوي
وهو كبير بالثلاثين راحت تدور تدوره
جت خالتي بضحك قالت ام فلان ماتجلس
لين كل عياله قدامه
حتى لما نسافر ويصير مثلا اخوي يشتري من محل
او كنا بمول وأختي او انا او اخوي اختفى عن عيونها ثواني
تصير تدور وتتلفت كأنها تدور طفل !!
تعبنا قسم بالله كرهت نفسي اذا شفت اللي بعمري وعمر
خواتي واخواني كيف عايشين وكيف تغيرو وكيف حياتهم
وكيف قوة شخصياتهم وكيف ممشين امورهم واحنا كذا
اكره نفسي انا كم مره انخطبت ومن ناس والنعم
لكن امي بكل بساطه ترفض بحجه المكان بعيد
من يسنعني ؟
هي كذا تبيني كذا طول عمري عندها لاتتزوجين
لاتتوظفين لاتسوين ولا شي
مرات لما افكر بحركات امي احس فيها شوي انانيه
الللي جالسه تسويه فينا
ماعليش بنات هذا مو حب
كل صديقاتي تزوجو بعيد وتوظفت بعيد
وبعضهم اخذو ازواج مبتعثين وامهاتهم ابد ماعرضو
الا امي وهو بنفس السعوديه تعارض وتزعل ولا ترتاح
لما ارفض
ونفس الشي باخوي مازوجته لان تحسه صغير
غير كذا تقول لو فكرت تزوجه ماراح لزوجه الا وحده
تسكن معي من بالله بهالوقت اللي بتسكن مع ام زوج !!
اقسم بالله تعبنا ماندري ليش امي كذا عكس كل خالاتي
والله اننا صرنا حديث خالاتي لانهم يقارنو بيننا وبين بناتهم وعيالهم