الخوف المستمر(الهلع) والوسواس القهري دمر حياتي ساعدوني

حبيبتي انا زيك اعالج عند دكتور نفساني بالنخبه وقال لي عند هلع وقلق وخوف مستمر
انا الهلع اللي عندي من الموت دايم افكر بالموت ودايم تجيني حاله احس اني بموت وماتروح الا اذا رحت المستشفى وقالو مافيك شي
ماتتصورين كيف تعبانه من حالتي الموت مايفارق مخيلتي التشاوم ذبحني الاكتاب نفس الشي
عطاني دوا قالي لازم ست شهور تاخذينه اخذته شهر وتركته مليت لانه يجيب لي الغثيان واحس اسناني ترجف منه
وتركته وكلت امري لله
ادعو االله يشفيني

انتي كيف نوبه الهلع اللي تجيك

الله يشفيكم عليكم بقراءه القران يوميا والاجتماع مع الناس بكثره لان الوحده تجيب الوسواس

اسم الله عليكم خواتي حنين مهاوي
والله انا امر بحالات حتى النوم ماانامه من الخوف والقلق لاني بلحالي مع عيالي الصغار
بس ولامرة فكرت اروح لدكتور او اخذ علاجات متكله على ربي
وماانصح في هالعلاجات الا لما تكون حالات مرة صعبة
وانا مع الاخت عليكم بالقرآن ع طول والاذكار

ربي يحفظكم ويبعد عنكم كل شر

دمتم بخير

ما عندي خبره بهالمواضيع بس انتوا حاولوا تسوون الأشياء اللي اطمنكم يعنى خلي جوالج عندج ومتى ما حسيتي بخوف او ضيجه اتصلي على اى حد من صديقاتج اللي ما يداومن او حد من الأهل
وبمرور الايام بتتعودين على مكان شغلج ,انا كنت اداوم بالليل احيانا او الفجر وفي مكان يخوف
يعنى والله لو حد موتني هناك محد درى عني وانا حجمي صغير يعنى بوكس واحد استسلم الحمدلله المدرسه مكان آمن وبالنهار والكل حواليج وجو جدا جميل ماشاء الله يا حظج ,بس كنت احاول اكون قويه وبمرور الايام تعودت ,والحين بعد ما تركت الشغل قلت كيف كنت جريئه؟ الرهبه او الايام شيء طبيعي الله يهدي نفوسكم ويعطيكم القوه