اللهم لك الحمد على كل حال
اسأل الله لي ولكن ولمرضى المسلمين الشفاء العاجل
والله وسواس الموت متعبني مره وقلب لي حياتي فوق تحت كله خوف وقلق وفزع وهم وغم وتفكير وافكار تودي وتجيب وخيالات وشي بس وش اقول اللهم لك الحمد
توفت امي وبعدها خالي ثم ابوي ومن بعده بشهر تطلقت وكلها ورا بعض مدري شي نفسي ولا عين كلمت مشايخ قالوا عين واحد قالي سحر والمنتديات ادخل واشوف الطبيه والمختصه باالرقيه وقريت عند مشايخ واستعملت برنامج رقيه ولله الحمد خفيت شوي عن اول بس للحين الوسواس متعبني اي شي اسويه اقول سويت كذا بموت او ليش اشتري وانا بموت حتى العبادات استغفر الله اذا بصلي او بقراء اقول يمكن بموت واذا بطلع بيصير حادث واموت واذا بجتماع واذا.........................الخ على هاالحال بكل شي ومالي احد اشكي له كله غالبا بيني وبين نفسي احيانا اكلم صديقتي واقوله وتحاول جزاه الله خير تهدين خفقان ورعشه................ادعي ربي واستمع لرقيه بجوالي يوميا وسورة البقره اشغلها بجوالي احيانا وانام وهي تشتغل واخاااااااف من الاحلام وش هاالحلم وش بيكون واي احد يحلم يقولي اخاف وشي وش اقول بس اللهم لك الحمد اللهم امنن علينا باالشفاء العاجل التام عاجلا لا اجل يارب يارب
دعواتكم والله اهملت حياتي واخواني وعيشتي صارت مدري كيف والبيت وكل شي اهملته وكله تفاكير وهواجس وتخيلات .......يارب رحماك
المعذره للأطاله لكن حبيت افضفض لكم ويارب استفيد ان شاءالله مماكتب الاخوات جزاهن الله كل خير
ملاحظه كل اللي باالبيت اصغر مني عشان كذا اكتم عنهم لاني لو بقولهم بخافون من خوفي وبدال ماكحلها بعميها والله استغفر حيانا اقول خلاص تعبت وافكر انتحر بس على طول اتراجع واستغفر استغفرك يارب والله يابنات لاتتكلمون علي بس والله من اللي احسه شي مو طبيعي حتى العبادات صديت عنها بسبب هاالوسواس مع اني ولله الحمد ماكنت كذا ابدا العكس وخاصه لأشتد معي اتعب وادور باالبيت لحالي واقراء وادهن بزيت مره اتعب يارب اقدر اتخلص من هاالشي وارتاح وارجع مثل اول واحسن يارب
قبل تقريبا 5سنوات صارلي شي زي كذا بس يمكن اخف وماطولت وصارت عين مع الاستمرار بالدعاء وقيام الليل راحت لكن الحين مدري ليه عجزت حتى قيام الليل ماصرت مااقوم ولا اقراء قليل كله بها السبب

الكل لاحظ علي انه فيني شي تغيرت ونحفت وصرت مااتكلم كثير دايم ساكته وسرحانه بس احاول اخفي بعدين حسيت اني مره تعبت وقلت لاخوي وقالي انا كنت مثلك ورقيت والحمدلله وداني لشيخ بس مااستمريت مع اني ارتحت مره لظروف اخوي وامي رحمه الله صار له نفس هاالوسواس واختي ثم اخوي وانا مدري وراثه ولا وشو
احس يابنات راسي ثقيل من الخلف وفيه مثل النبض او تنميل والله خايفه مدري وشي واحياانا احس كانه يكهرب او ينمل او مدري وشلون شي براسي والله مدري وشو احيانا جسمي يرتجف بس من جوا مو من برا واشياء مدري والله وشو
دعواتكم لي تكفون والله اي بحاجه واي وحده تعرف شي او معلومه لاتبخل علي
الحين لو اقول لاخوي ابي مستشفى او شيخ يقول كل اللي فيك وساوس اقول طيب ودني عشاان ارتاح لكن لاحياة لمن تنادي
الله يسخره يارب
احيانا هاالوسواس حتى على اخواني او احد ثاني لو تاخر ماجاء على طول يجي بالي شي اكيد صار حادث او صارله شي عاد حنا تلوعنا من وفاة ابوي رحمه الله بحادث واحيانا اذا ناموا خاصه الصغار اشوف يتنفس او لا ومن هاالقبيل
رحماك ياأرحم الراحمين الناس تفكر للمستقبل وش بتسوي وانا دايم افكر باالموت واذا صار مناسبه او شي اقول يمكن مااكون معهم ...........
يارب يارب يارب اشفني وكل مريض عاجلا لا اجل وأياكن يارب

بالنسبة لي تجربتيي مرييييرة مع الوسواس و الخوف و الهلع... كان عندي سواس الخوف من الموت ...و الامراض و غيرها...ما بعرف من وين ابدأ...زرت 6 دكاترة نفسيين و ثلاث معالجين نفسيين... بيقولولي حالتك صعبة جاية من الوراثة و قووية كتير.. جربت كثثيرر من انواع الادوية.. (انافرانيل_فافرين_ايفكسور_ساليباكس_سوليان_زيلاكس_ريميورن_سيركويل_سولوتك_جاباتركس_ابر فلوناكسول_ريسبال_لو سيتال)هاد الي اذكره... بالنسبة للادوية هي لها اعراض جانبية خضوصا بالبداية تنامين كتيرير ... في ادوية تسي رجفة وادوية تسوي ادرار للحليب.. و زيادة في الوزن... بس بعدين الجسم بتعود عليها يعني ما بتحسي كتير باثارها الجانبية...بس لما تيجي توقفين الدوا حسب كلام الدكتوور لازم توقفينه بالتدريج مو تسون نفسي... انا كنا اخد الادوية بدوز عالي
و صراحه حالتي يعني ما عم تتحسن بالادوية كتير هالفترة فعصبت و تركتها ما مر علي اسبوعين الا و انا زي المجنونة راسي عوار مو طبيعي.. رجفة قوية.. ساعه احس بالبرد و ساعه بالحر... جسمي مكسر... الله يعافينا زي الي ماخد مخدرات موقفها فجأة... سالت الدكتور قالي هاي اعراض انسحابية للدوا ما يسير انك توقفيه فجأة لازم بالتدريج.. لان الجسم يسير يطلبه... ما بعرف الي عندها اي سؤال انا جاهزة.. اسفة لاني طولت بس والله الي فيني مو شووي ابدا... حالتي بالويل

انا كان عندي خوف من الموت وتزداد دقات قلبي واحسن اني بموت واتشهد ...

بس لما قرات سورة البقره تقريبا شهر...

الحمد لله راح عني ...

اقرائي سورة البقره يوميا كامله ان شاء الله ترتاحين ...

نسيت اقولكم شي مهم ان شاء الله ينفعكم في قناه اسمها الحريه النفسيه على النت ان شاء الله

تساعدكم في التخلص من مشاكلكم النفسيه