الخوف بيقضي علي

السلام عليكم خواتي 
ترددت وايد قبل اكتب مشكلتي لان الحالة بدت تتطور وتزيد وأنا خايفه
بنات قبل ما تزوج كنت عند هلي مرتاحه لا خوف ولا شي وأنام بررووحي
تزوجت وأول سنه كان عادي زوجي يغيب عني اربع أيام لان يداوم بعيد عنا 
وعااادي أموري طيبه وأنام 
لين عق سنه انتقلنا بيت جديد واكبر وصار لي قسم بروحي
بدت مشكلتي من شغالتي حسبي الله عليها يعل ربي يذيقها اللي قاعد يصير لي دبل يعل ربي يجعل كيدها ف نحرها
المهم هالسالفه طويله وأنا بختصرها
قعدت الخدامه تخوفني واوهمتني أن فالبيت جن 
والله يا بنات وأقسم بالله وقتها كنت ارتجف من فوق لتحت واصيح لين أقول بس 
وعقب اكتشفنا انه من عمايل الشغالات حسبي الله ونعم الوكيل 
يا بنات صار لي سنتين نفسيتي صعبه قمت اخاااااف أموت خووووف ما اقدر أنام اقعد للفجر أتلفت يمين ويسار 
أخاف يا بنات من الجن واتخيل أشياء للعلم أنا خيالي واااسع جداً واقعد ارجف وقلبي يدق واعرق
كرهت غرفتي قمت أحس أنها قبر والله العظيم أن لا ليلي ليل ولا نهاري نهار 
إذا زوجي مداوم أنا اموووت 
أتخيل الجن أو الحرامية أو الشغالات يقتلوني ومن هالاموووور
اقعد على هال حاله لين ما اسمع الأذان أصلي وأحاول قد ما اقدر اناااام لان عندي عيال ويقومون قبلي
والله هذا شي بسيط الله يصير لي 
اسمع قراءن واقرأ الرقيه الشرعية والأذكار والله يا بنات حالتي تزيد والخوف يزيد
أصلي قيام الله واقعد اتعوذ من الشيطان بس الخوف مسيطر علي ولاعب فيني 
يوم أروح لأهلي ارتااااح واعوض النووووم وإذا عرفت أني برجع لبيتي اموووووت
بنات الحين حالتي تطورت والله قمت في كل مكان أخاف عند هلي ما قدر أنام 
ومره سافرنا ريلي نزل شوي خلاني بروحي بنات كنت بموت خوف وقعدت بمكاني ارتجف
بنات اللي فيني شي صعب وحالتي تتطور والخوف يزيد ولي قريت الرقيه حالتي تزييييد
الله يخليكم اللي صار لها مثلي وارتاحت والله الحين أنا أعاني وقمت أخاف كل وقت وكل حين 
رحت للمطوع قرا علي وأعطاني علاج فتره ورجعت نفس قبل 
أنا الحمد لله أخاف الله وأصلي وذكر الله واستغفر وايد بس شو هالي فيني 
ريلي يدري وكم مره يقعد يهديني ويقول انتي بنفسج تقدرين تستوين زينه والعلاج بيدج
بنات شو أسوي والله جسمي محتاج نووووم أبي اناااام
الحين حتى لو هو معاي ونام تجيني الحالة حالة الرعب والخوف ما اقدر اناااام لين مااتعب
اللي تعرف شو الحالة هذي والعلاج تكفون انقذوني أخاف أوصل للجنون