الخـــــوف من الزواج ؟؟

غاليتي الورده العاشقه

حبيبتي احب اقولك تفائلي بالخير تجديه

ولا تتشائمي من الزواج بسبب خوفك من الطلاق

وعلى فكره نصيــــــــــــــــــحه مني

أعدي بهذا الدعاء:

اللهم أرزقني بالزوج الطيب الصالح

وراح تشوفي النتيجه بعيونك مثل ما شفتها بعيوني

ولا تقارني حالك بغيرك

والله يرزقك بالزوج الطيب الصالح اللي يعيشك احلى عيشه

آميــــــــــــــــن

ياعمري مافي شي اسمه تقارني نفسك بغيرك وتجارب غيرك مو شرط يصيرلك مثلهم
الرجال مو واحد والحريم بعد مو مثل بعض يعني تجارب المتزوجين الفاشله مو شرط تنطبق على كل الناس ولا ماكان احد تزوج بالدنيا ولاستمرت الحياة كل حياة زوجيه فيها الحلو وفيها الشين يعني مستحيل تكون في حياة صافيه ميه ميه وهذي هي ملح الحياة مثل مايقولون بس انتي تقدرين تخلين حياتك جنه وتقدرين تحافظين على استقرارها وصدقيني اغلب الحريم مبسوطات بالزواج مو شرط كل الحياة بس يكون الجزء الاغلب فيها حلو بس اكثر الناس تخاف من الحسد وما الومهم لان مو كل بنت سعيده مع زوجها حتا مو شرط متزوجه لو تتكلم جمب وحده ماعرست بتحس انها بتحسدها على انها لاقيه الانسان اللي يحبها وسعيده معه اعتقد انك مخاوفك مالها داعي توكلي على الله وماحد يعلم الغيب غيره وتذكري ان السعاده والشقاء مكتوبه من عند رب العالمين يعني ماتدرين ربي وش كاتبلك وشيلي النظره المتشائمه هذي وتوكلي على الله وادعيه ان الزوج اللي يتقدم لك يكون قرت عين لك وتكوني قرت عين له ومبروك مقدما :icon28:

هلا حبيبتي ...ليش خايفه من الزواج بالعكس الزواج شي حلو .. فيه مشاركه بين الرجل والمرأه لتأسيس مملكه اتخصكم ..وتتشاركون في ادارتها وخلي عنج الخوف من المشاكل لانها ما تخص كل المتزوجين بل فئه معينه ..وثقي حبيبتي أنه كل شي بيتدي على اسس صحيحه وشرعيه الله يبارك فيه للزوجين ويزيد حبهم لبعض والي بدايته غلط اكيد ما بيدوم وهذا الي نحن انشوفه في مجتمعاتنا ...والله يوفقج ويرزقج ولد الحلال الي يستر عليج.

عزيزتي انا كنت مثلك تعقدت من كثر القصص
والبلاوي والمصايب اللي كنت اسمعها واشوفها :23:
وهالشئ خطأ لأن تجربة زواجك راح تخصك انتي وزوجك يعني شخصياتكم
انتوا الأثنين مو شرط كل زوجين فاشلين بحياتهم ان البقية نفس الشي!

وغير هذا انتي ادعي ربك ان يرزقك بالزوج الصالح
اللي يخاف ربك ويخاف الله فيك .. ويخليك قرة عينه وتخلينه قرة عينك
صدقيني ما في احلى من الأستقرار النفسي بالحياة الزوجية
وترى المشاكل وسوء الفهم ملح الحياة .. مافي حزن يدوم للأبد ولا فيه
سعادة تدوم للأبد ..

ولكن مثل ماقالت عزيزتي ملكة قلبه انتي بإيدك
تخلين ايامك جنة او نار!

واتركي عنك وساوس الشيطان .. اللي ما يجي
منه الا البلا :mad:
وتوكلي على ربك واذا جاك انسان يتميز بالدين والخلق
فلا تترددي ابدا ً ... وخلي ثقتك بنفسك اقوى من كلام الناس الفاضي


وفعلا ً صحيح اللي قال:

الناس تشاركك احزانها ولكن تحتفظ بسعادتها لنفسها :23:
والسبب قد يكون خوف من العين او الحسد
واللي صار منتشر للأسف .. بس بعدها الدنيا بخير لا تشيلين هم يا عمري .. :)

جزاكم الله خير على النصايح