الخوف من العين كيف اتصرف معاهم

السلامه عليكم كيفكم يا بنات ابغاكم تحكموا على هذا الموقف ألي صار معايا
انا لي تقريبا سنتين متزوجه والله ما رزقني بحمل وزوجي له صديق اعز عليه من اخ يعني ما بينهم كلافه ولا اسرار وسبحانه متزوج هو كمان من سنتين
وعشان زوجي تعرفت على زوجة صديقه جاتني مره اول زواجي وصار بيننا تواصل على الواتساب بس على خفيف المهم من فتره لاحظت انها حاجبه الواتساب عني يعني خافيه عني الحاله حقتها بس ما اهتمت وقبل شهر زوجي يعلمني يقول انه صاحبه حرمته حامل وهذا شهرها وقالها وهو زعلان مدري حسيت انوا عشان صاحبه ما خبره بموضوع حمل زوجته وهو كل اسبوع يقابله كأنه خايف من عين زوجي وطبعا مني لانوا الله ما رزقنا والله ما احسدهم الله يبارك لهم و يجعله من الذريه الصالحه بس حست في نفسي موقهم مننا وتأثرت كثير و زوجي طبعا زكان يبغاني ازورها و ابارك لها واجيب لها هديه انا رفضت اروح لها وقلت اخاف يصير للمولود شي يحطوا فينا بس رجعت وقلت احسن الظن و اروح لها و اسوي الواجب معاها بس خايفه انتم ايش تنصحوني