السلام عليكم ورحمة الله وبركاته
كيفيكم يا بنات عساكم بخير
حبيت اليوم اطرح مشكلتي
انا حاليا قاعدة اساعد نفسي واحلها وابيكم تعطوني نصايح بعد من تجاربكم او من تجارب اشخاص قالوا لكم عنها واتتمنى كل اللي يدخل ويقرى المشكلة يحط تجربته مع خوف قدر يتغلب عليه
انا بنت في الجامعه وماعمرها كانت عندي هموم والحمدلله ياما دعيت بأمور واستجيبت لي
في فترة الاجازة كنت اتابع بالانستقرام دكتور اسنان وعرفت معلومه عن اللي يقلعون سن لمدة وم يسون زراعة ولا جسر يصير يذوب عظم الفك لمنطقة السن المخلوع وبالتالي يكون صعب الزراعة ولازم يكون فيه زراعة للعظم وبعدين زراعة للسن طيب ماشي فهمنا وطيب بكم يسوون العملية انصدمت من المبلغ مابين 6000 الا 7000 ونص ومو اي احد شاطر يضبط لك العملية خفت وقعدت اقول من وين لي ادبر هالمبلغ وانا لي 3 سنين تقريبا خالعته
وبنفس الوقت كان عندي خراج بسن كنت مسوية له حشوه دائمة وخفت انه لايكون متسوس السن ويمكن يشلونه او يمكن يلعب فيه الدكتور
صار عندي خوف لدرجة اني معد صرت لا اكل ولا اشرب وحاولت اني ابلع كل حبوب المضاد الحيوي او ارمي نفسي من السطوح لاني ماني عارفه كيف احل المشكله
لاني بأختصار طالبة وملزومه اني ادفع فلوس للسواق ولأمور كثيرة
ولمن شكيت الحال لصحباتي على امل انهم لو يقدرون يساعدوني بنص المبلغ لكن مالقيت الا كلمة الله يعينك وهذا امر طبيعي اذا كان الشخص مابيده حيله
رحت عند الدكتور و وفقع الخراج واعطاني مضاد حيوي وحط لي حشوه مؤقته ورجعت له بعدين وحط لي قطنه للعلاج وحاليا رجع وحط حشوه مؤقته وكل ما اروح عنده مااخليه يعرف يشتغل من الرعب اللي فيني وانا طول فترة العلاج ما اقدر اكل ولا اشرب وصرت اشوف اي انسان ماعنده مشاكل بأسنانه هذا عايش بسعادة "وهذا وانا اعترف حسد والعياذ بالله " وصرت اخاف من نظاراتي لكثير من الناس لمن تضحك خفت لـ أناظر لهم بنظرة حسد لأسنانهم
والحمدلله كنت عارفة انو هالشيء اللي فيني موب طبيعي وحاولت اتواصل مع كذ اخصائي نفساني لان المشكله صارت نفسية أكثر من جسدية وللحين ما وصل حل لمشكلة هالخوف اللي عندي
تفاقمت المشكله وكرهت كل شيء كنت احبه بحياتي من اشخاص من نظرتي الجميلة لمستقبلي من روحي الحلوه اللي كانت فيني واللي كان هدفي من هالحيويه اني ما اخلي احد يفقد الامل بالدنيا
وما دريت عن نفسي اني انا اول فاقدينه
زادت علاقتي بربي بشكل كبير وصلاة الوتر اللي من زمان كنت احاول التزمت بها وصرت ادعي بكل سجده ربي يشيل عني هالضيق وهالخوف اللي مو طبيعي واتصدقت بكذا نية وصرت استغفر بدون عد وهذا خلاني مرتاحة اكثر
انا ماشكيت الحال لاهلي لانو كفاية وضعنا الاجتماعي
لكن مشكلتي الحين دايما يجيني الشيطان بأفكار مثل انتي غبية ما تعرفين تدعين ربك - بالله هذي دعوة تدعين بها ربك استحي ياشيخه - او ربك يرزق اللي يسعى وانتي قاعدة بالبيت من وين بيرزقك - او لاتدعين ربك بمبلغ بالقدر الفلاني ماراح يقدر يرزقك لانك ما تشتغلين " استغفر الله "
مررره دعيت ربي يشيل التسوس اللي بأسناني " لحد يضحك :hmh:"واتصدقت بهذي النيه وجاني الشيطان يوسوس و يقول ببالي ربك يشيل البلاء عن الناس المحتاجه بالله هذي مشكله تشكينها ربك وتتصدقين بهذي النيه
وانا والله العالم احاولي المادية ميسورة يعني اني ادفع مبلغ لكذا حشوه هذا كثير علي
لمن رجعت للكلية قلت يمكن يروح هالخوف شوي مع اجواء الدراسه الا والله زاد الخوف بس حبتين مو مرررره وصرت مو قادرة اطالع بوجهه احد بالكلية وبس اقعد بالمصلى اقرى سورة البقرة
وفي الكلية ابد ما اكل ولا اشرب الا موية من خوفي من التسوس
وصار هالشيء بالنسبة لي مثل الكابوس اللي دايما يجيني ويروح تعبت نفستي طموحاتي واحلامي كلها تدمرت بسبب هالموضوع
واقول بنفسي دايما متى ارتاح
هالخوف صار مو طبيعي ابد مو طبيعي - لدرجه اني مو قادرة ابكي علشان اعبر ولو بشوي عن التعب والضيقه اللي فيني
انا لمن اصلي وادعي بالسجود ارتاح مرااا لكن حاليا انا معاي الدورة فالراحه النفسيه اللي كنت القاها من الصلاة مو لاقيتها الحين
ويرجع الخوف بين فترة وفترة ويرجع الوسواس بين فترة وفترة ويرجع الضيق مرااا قوي ومراااا شوي بسيط
اخر كلمة بقولها
" خففوا عني هالخوف اللي مو طبيعي انصحوني اعطوني من تجاربكم الشخصية مع الاستغفار وكيف قدرتم تصبرون على اي مصيبة او بتلاء جاكم وكيف قدرتم تتلخصون منها
والصدقه كمان ايش الاشياء اللي انفرجت لكم وما كنتم تتوقعها
وايضا كيف اسلوبكم بالدعاء "
ترا انا جد ضايعه وابغى ابعد هالخوف لانه قاعد يأثر على صحتي ومستقبلي "
وسامحوني اذا ازعجتكم بكثرة شرحي لمشكلتي ...
لسه صغيرونه @lsh_sghyronh
عضوة جديدة
يلزم عليك تسجيل الدخول أولًا لكتابة تعليق.
بنوته ام
•
اختي ادخلي( منتدی نفساني )فيه تجارب ناس كثير مروا بهاالحالات وكيف شفيوا الله يفرج همك ويشفيك .
الصفحة الأخيرة
ثانيا انا ما عندي معلومات عن اللي تكلمتي عليه وانا كنت مثلك عندي خوف من الحشو
واخاف بس الحمد لله تغلبت على خوفي بثقتي بالله وبنفسي واهم شي بتوكلي على الله
وانتي لا تعطي المشكله اكبر من حجمها مادام عندك رب كريم يسمعك وقريب منك
إلجئ له وما بيخيب ظنك ولا تشكي الا له سبحانه وبإذن الله بيفرج كربتك
وابعدي عنك الوساوس والشيطان والخوف
الله بيحب الانسان لما يدعي بأي لغه كانت ولا تلتفتي للوساوس
ربي يكون معك ويفرج عليكي ياااارب