الخوف والتوتر لعب بحياتي 😭

السلام عليكم ورحمة الله وبركاتة


اناا تعبت وربي من الخوف من الفقد اخاف افقد اهلي زوجي عيالي ماحب اسمع خبر وفاة او احد اعرفه مريض والله اظل شايله هم ياما يشفى صرت كل ليله على هالموال ابكي واتخيل اني افقد احد او اني اموت والله تعبت تعبت تغيرت حياتي ميه وثمانين درجه صار الخوف بين عيوني مايفارقني


حتى يوم احلم افسره ان اكيد احد بيصير له شي حتى لو حلم تافه معد احس بطعم الحياه مثل قبل بس جالسه ويدي ع خدي اصلي وادعي واقراء قران بس هالخوف مهو مخليني اعيش حياتي طبيعيه


مرات اقرر اني ازور اهلي بالعطله واقعد اقول يمكن اموت قبل العطله او افقد احد وتنتكس حالتي من جديد والله حاولت بكل الطرق اني اتجاهل واوكل امري لله لاكن يوم اتذكر ان بيجي يوم ونفقد غالي خلاص ابكي ابكي ابكي والله العظيم اني تعبت


تواصلت مع دكتور نفسي وشكيت له حالتي يقولي هذا هلع وخوف وسواسي والحل انك تتجاهلين . طيب انا لي سنه وانا اجاهد واتعب تعبت الله لايوريه لاعدو ولاصديق


والله مدري وش اسوي لاتقولون لي انتي موسوسه وفيك هلع ادري ان فيني بس ابي اتخلص منه واعيش حياتي طبيعيه قسم بالله اي شي يصير لي ماحس بطعمه كنه ولا شي كني جسد بلا روح امشي بلا هدف وبلا قرار وفوق كذا صرت اشك بالنااس اللي حولي احسهم كلهم ضدي ويبون لي الشررر😭😭😭😭😭😭😭😭 معد اثق ب احد ياربي اقولكم ماني طبيعيه كني شخص ثاني


مع العلم اني يوم كنت صغيره كان يجيني خوف مرات غير طبيعي بس بحكم اني صغيره كنت اخاف فتره وبعدها انسى وبعد ماتزوجت كنت اشوف من اهل زوجي حركات وكنت اكبت اكبت وانقهر واسكت ومن بعدها قامت تجيني هالمخاوف ماعرف اذا لها علاقه او لاا


ابي حل لمشكلتي لمن تملك الحل والله خلاص حتى شعري طاح من كثر التفكير والهم وصاير عصبيه عصبيه اي شي ينرفزني 😭😭😭😭😭😭😭😭