الخوف والقلق من المستقبل على عيالى بيسيطرون على حياتى

بنات عندى مشكله من خمس سنوات من جبت بنتى البكر اخاف يصير شى وزاد من جبت ولدى
صار اى شى يخوفنى والله واتخيل واجد اشياء سئيه جدا وكلها حوادث
تصدقون مثلا ولدى فجاه شال السكين وجيت بشيله تاخذنى الافكار لبعيد تخيلى شق بطنه او جرح يعنى اضرب خيالات
صرت ادقق فى كل شى وانتبه لكل شى عشان مايصير شى فجاه
اقلى شى ودخلوا عيالى المطبخ اتخيل ينكب وحروق ومستشفى وحوسه
حتى التلفون اذا دق او مثلا دقيت على امى وماردت وتاخرت اضرب خيالات

وانا نائمه اتخيل يصير فينى شى وعيالى وش بيسوون ومين بيهتم فيهم ارحمهم حيل

وصرت اتاثر اذا قريت شى فى عالم حواء او سبق حتى زوجى صار يقولى لاتابعين سبق تجيب النفسيه كلها حوادث واخبار شينه

اشياء واجد مع ان ولله الحمد محافظه على الوتر والقران والاذكار بس صارلى كم شهر ما اكمل استغفارى و التسبيح والحمد