الخياطة العادية وأعشاب النفاس او الخياطة التجميلية.

ياهلابك ياعزيزتي الله يهون عليك ويقر عينك بالعافيه
توك ع التجميليه لاتصعبين الامور
الخياطه العاديه والاهتمام وتطلعين تووب بأذن الله ولاتكبرين الموضوع تراها سهالات خاصه انك بكريه

المشكله انه الكثير فاهم الخياطه التجميلية غلط..

الخياطه التجميلية نفس العاديه تماماً بس تكون بشكل مرتب..



مستحيل تكون خياطه داخليه وخارجيه هذي عمليه كبيره ومايسووها الا لحالات معينه فقط لما يكون فيه هبوط في المهبل..



الخياطه الخارجيه او التمزق اللي يصير أثناء الولاده ماله دخل بالمهبل الداخلي، عضلات المهبل الداخلي تحتاج شد مثل أي عضله في الجسم وشدها يكون عن طريق تمارين كيجل ..



ابحثي عن تمارين كيجل بتلاقين كثير شروحات لها سواء في الانستقرام او اليوتيوب وداومي عليها من بعد اسبوع من النفاس..



والرضاعه لها دور كبير في رجوع الجسم مثل ماكان وخصوصا عضلة الرحم وتساعد في استشفاء النفاس لذا اشجعك ع الرضاعه الطبيعيه..



الأعشاب هذا شي يخص صحتك ويريحك، الأعشاب الدافيه بعد الولاده والمشروبات لها أثر جيد على صحتك مباشره وفي بعض الأعشاب تكون بطريقه بسيطه تأثر او لها أثر في المنطقه الحميمه..



بما انك بكريه بإذن الله راح ترجعين مثل ماكنت، بس بطلي خوف ووسوسه واهتمي بتمارين كيجل وبشرب أعشاب بسيطه تناسب جسمك وبرضاعة طفلك

وخليك واثقه من نفسك ..



الله يقومك بالسلامه 🌹

بعد الطفل الأول مايكون فيه توسع لا تخافين..
التوسع بعد الطفل الثاني والثالث..
أهم شي في النفاس خذي فلفل ابيض وزنجبيل مع الكمون..
وان شاء الله وضعك تمام 👌

حبيبتي خياطة المستشفى بتكفي بعد الولاده
مع اهتمامك وقت النفاس باكلك واعشاب النفاس
والرضاعه الطبيعيه مهممممه
واذا انفكت الخياطه وطهرني سوي تمارين كيجل ممتازه
وكم شهر وبيرجع وضعك زي اول ان شاء الله باختلاف بسيط طبعا
ولازم كل دوره تهتمين في نفسك الاهتمام مايكون في النفاس بس

الخياطة التجميلية نفس العادية بس نوع الخيط يفرق
و ما تترك آثار مكان الخياطة فقط
لكن المهبل من جوة يصغر بعد الاستمرار على تمارين كيجل