الخياطه والألم

السلام عليكم . . اعذروني هذا أول موضوع لي بس انا متابعه لكم من سنين. . ارجع لحبيبي عالم حواء فكل مشكله تواجهني إستفدت كثير من مواضيع ورود.. انا متزوجه من 10 سنين وكنت أحب اهتم كثير فنفسي( كلمه الخراب مسببة لي وسواس) وقت الدورة أو غيرها من تحاميل أو غسولات الحمدلله زوجي كان مبسوط مني جبت 4 كلهم قيصري والي تقول القيصرية ماتتوسع أقولها مثلها الطبيعي بعد ولدي الثالث تعبت واهملت نفسي لأن عيالي جبتهم ورى بعض وبدى زوجي يلمح لي صرت اتضايق من تلميحاته مع الوقت صارت المنطقه تتوسع عندي أكثر لحد ماوصلت اني ماعاد صرت أحس بأي شي وصوت وهواء يعني الدنيا معدومه وربي كتب أحمل وفالحمل ماقدر اسوي شي وهنا قررت اسوي الخياطة مع الولادة لانها الفرصه الوحيده الي اقدر اسوي فيها بدون مايدري زوجي لاني ماافضل انه يدري جلست طول حملي اقرى عنها وابحث فالمواضيع عن المجربات واجمع معلومات وفشهري الأخير رحت للدكتورة أمل عكاش فمستوصف الثميري وقالت لي اسويها بعد الولاده ب1700 وانتي قيصري ب1500 وجلست ابحث فالنت لاني متردده كثير وخايفه من هالخياطه وخصوصا ماقد جربت الخياطة فالمنطقه وقريت عن وحده اسمها منى الريس لقيت كثير بنات يمدحونها وكلمت الاستقبال قالت ب3000 الخياطة ترددت عشان السعر بس قلت فالاخير أهم شي النتيجه تكون مرضيه ادفع زياده بس احصل نتيجه مرضيه ولدت والحمدلله وجبت بنوته وكلمت الاستقبال قالت لي بعد الولاده بعشره ايام تجين كملت أسبوعين رحت لها لأن العمليه كانت ملتهبة عندي وكلمت الاستقبال على موعد الصباح رحت وكان زحمه وكل وحده تدخل ماعاد تطلع كأنهم كلهم يخيطون لحد الساعه ماجت 12 دخلت وكشفت علي.. كلامها كان قليل وهذا الي عرفته من البنات بس قلت موب مهم قالت وضعك تمام انا هنا بلمت قلت مره مافي توسع قالت لا اذا تبين سويتها لك اذا زوجك شكى قوليلي قلت كيف انا أحس بتوسع فضيع وصوت قوي اشلون.. قالت تبي بكيفك اسويها بس موب الحين العصر انتهى الدوام وطلعت البيت وطول الظهر متردده دام مافي شي ليش اتعب نفسي يمكن شوي اهتمام فالدورة وخلاص بس قلت انه اذا ماسويتها الحين ماراح اقدر اسويها مافي عذر أقوله لزوجي وفنفس الوقت ابي التعب مره وحده دامني نفاس وتعبانه توكلت على الله ورحت العصر وحاسبت جلست انتظر دقايق نادت على اسمي دخلت غرفه مثل غرفه الولاده وجسمي كله ينتفض من الخوف بغيت اقول هونت واهج اول مره ارحم نفسي جلست نص ساعه والممرضه تجهز العده مقصات ومدري ايش قلبي اوجعني يوم شفت الباب انفتح ودخلت وعلطول عطتني بنج وهنا حسيت اني بودع بكارتي اول مره يشقوني من تحت قالت تحسين بشي قلت لا وبدت تشتغل أنا على اعصابي قالت ليش شاده دامك ماتحسين كذا الخياطة ماراح تضبط ريحي نفسك قلت ايش راح تخيطين دام مافي توسع قالت لا قبل شوي فالكشف كنتي شاده مابان معي شي الحين فيه توسع بعد ماارخيتي نفسك قلت طيب فيه الم بعدين قالت لا ولاراح تحسي خلصت فأقل من نص ساعه وقالت يالله عالبيت قمت ولاجلست ارتاح لو دقايق ولبست ومشيت وربع ساعه راح مفعول البنج جاني الم زي حرق النار جلست افرفر فالسياره انا مفهمه زوجي انها شاطره فالعمليات وقالت في صديد وفتحت الجرح نظفته عشان مايلاحظ التعب جلست ابكي واصايح الم فضيع مدري وين اروح عالمستوصف علطول أخذ إبرة فولترين ريحتني شوي بس لسى فيه الم وصلت البيت واسبوع 10 أيام خف الألم كان إذا زاد الألم احط تحميله فولترين الحمدلله ارتاح وانام ..شهر وطاحت الخيوط على شوي شوي الداخليه طولت شهرين ماطاحت انا لي شهرين و10 ايام كنت خايفه مره ارجع لزوجي حتى مقدر المس المكان ..أمس صار جماع وأول مره أكره نفسي واندم الم فضيع ماقدرت اتحمله أحس شي بيتشقق من تحت فيه غرزه من فوق احسها ماطاحت هو الألم هناك دخلت اصبعي بس ماني قادره اوصلها قلت اذا فيه بسحبها مدري الي مجربات فيه شي يخفف الألم ومتى ننتهي الآلام وارجع طبيعي ... ساعدوني يالمجربات كيف اعدي هالفتره نفسيتي تعبانه وخايفه من الألم أو أن الغرز تنفتح ويروح تعبي واذا طبيعي متى ينتهي الألم. . طولت وخربطت بس عشان يستفيدون من تجربتي مثل ماستفدت من تجربة بنات كثير ...