الخيانه دمرت حياتي (لا تبخلون علي بالحل) على الاقل ادعولي

تفاحه خضرا

الله يعينج على ما ابتلاج وكله باجره ان شاء الله
عزيزتي
الظاهر من كلامج انه ريلج عنده قابليه للتغير ومعترف بغلطه وها بحد ذاته يعتبر دافع لج عشان تصلحين من حاله ...

((كل ابن آدم خطاء و خير الخطائين التوابون))
حاولي تعينين ريلج على الطاعات ... ذكريه لو بطريقه غير مباشره بالمحرمات و عقوبة الاشياء اللي هو يسويها ... بقربه من ربه و مع مساندتج له بإذن الله راح يتغير و يتوب

صحيح اني مو متزوجه ويمكن ما عندي خبره بالزواج لكن اللي اشوفه انه تعطينه فرصه و توقفين معاه ... ترشدينه للطريق الصح ... كوني له عون ... وسلاحج بيكون تقريبه من ربه

حاولي تتناسين كل الامور اللي صارت وحاولي تسامحينه ...
اذا الله سبحانه وتعالى يغفر لنا ذنوبنا ... فليش ما نسامح نحن بعد ؟
لا تفكرين باللي شفتيه ... لان التفكير بيعذبج اكثر
كل ما طرا الموضوع على بالج حاولي تتناسيه و اتعوذي من ابليس واستغفري ربج بنية اصلاح زوجك

خذي الموضوع كتحدي و حطيلج هدف توصلين له ... وبيكون عندج الدافع باذن الله لحل مشكلتج



الله يعينج اختي الكريمه على ما ابتلاج و يفرج همج عاجلا غير آجل و يسخر لج ريلج يا رب

ما ابا منج الا الدعوه الطيبه

الله يصبرج وياجرج يارب
والله حبيبتي الدنيا ما تسوى اهم شي عيالج وصحتج
يارب انه يهديه ويصلح حالكم ان شاء الله
صدقيني انا مرت علي نفس هالمشكله لجات الي الله ودعيت بكل الاوقات وخاصه اوقات الاستجابه وتصدقت
لكن الامر بيد الله
والله يعينج ويريح ويطمن بالج ويخليه ويهديه لج ولعيالج يارب
ورددي دائما انا لله وانا اليه راجعون اللهم اجرني في مصيبتي واخلفني خيرا منها
حسبي الله ونعم الوكيل

السلام عليكم...


عزيزتي ..هوني على نفسك الموضوع مو مستاهل هالتعب ..

واتمنى التواصل ع الخاص عندي كلام كثير بقوله لك...

انتظرك والله يفرج همك,,,

مشكوريين خواتي على الرد والتفاعل الله لا يحطكم في مصيبة ابد

اختي بقايا جروح انا دزيت لج رسالة على الخاص انشالله توصل لج

قطعتي قلبي حسبي الله ونعم الوكيل