بسم الله الرحمن الرحيم
الخيانه كلمه صايرين نسمعها بشكل ملفت جدا للنظر اقرا دايم هنا مواضيع
عن الخيانه اللي تشتكي واللي تنصح واللي يازعم عندها حلول (الله يعينهم ويكون معهم)
بصراحه ماعمري فكرت اكتب عن هالموضوع لين صار مع وحده من معارفي مع العلم ان زوجها موب صغير
اكبر بناته 16 سنه وللاسف مافكر في بناته وكيف بيقابلون الناس لو انتشر عنه هالشي
قبل اتكلم عن الخيانه خلوني استرجع معكم طريقة اهالينا في تربيتنا بنات وعيال
اول شي البنت من تطلع عالدنيا وهي تقوم وتقعد ب عيب لاتسودين وجيهنا البنت زي القزازه ..الخ الخ
بالمقابل الشاب يكبر وهو يسمع عن معايير لرجوله ماانزل الله بها من سلطان ويربى ع كرهه للجنس الاخر
وعلى انه شايل عيبه ولا يعيبه الا جيبه
طيب من اللي مربيه ع هالاشياء للاسف الام
يكبر وهو عنده فضول يتعرف على الجنس الاخر المجهول " كل ممنوع مرغوب " وحتى لو تزوج مايكفيه
يكبر وهو يكره خواته ويخاف من العار اللي بيجيبونه مدري متى >>>>موب الكل اكيد<<<<
بس لو كل ام فكرت انها تربي ولدها انه يحترمها قبل كل شي ويحترم خواته ويخاف الله في بنات الناس
ولو كل واحد فكر قبل لا يكلم بنات وقبل لا يخطي اي خطوه لو فكر انه يرضى ع اخته تكلم زي مايرضى ع نفسه
وع بنت الناس اللي هي اخت واحد زيه مايرضى ع اخته
مدري وش اقول الاسباب كثيره بس الاكيد ان تربيتنا اكيد سبب قوي وتفكير الشباب المعوق ومجتمعنا
اللي يبرر للشباب كل انواع الفساد اللي يسويه > احس اني بديت افقد الامل بصلاح حالنا فالمستقبل
اخيرا الله يفرج هم كل من عانت او بتعاني من الخيانه والله يستر ع بناتنا ويرزقهم الجنه ع صبرهم
والله يهدي شبابنا وينور بصيرتهم
:huh::huh::huh:
في امان الله
عبير سعد @aabyr_saad
عضوة جديدة
يلزم عليك تسجيل الدخول أولًا لكتابة تعليق.
زهوووور الامل
•
الله يكفينا شرها
المصيبه الام اللي تعرف ان ولدها يكلم بنات وتقول عادي خليه يتسلى لحد مايتزوج :eek:واللي تقول الشاب مايعيبه شي..
واللعب في اعراض الناس الله لايبلانا ماادري كيف الشباب اللي من هذه النوعيه مايخافون على امهاتهم واخواتهم وبناتهم
ترى اللي يدق باب الناس ربي يدق بابه وكله سلف ودين
واللعب في اعراض الناس الله لايبلانا ماادري كيف الشباب اللي من هذه النوعيه مايخافون على امهاتهم واخواتهم وبناتهم
ترى اللي يدق باب الناس ربي يدق بابه وكله سلف ودين
عبير سعد
•
المصيبه الام اللي تعرف ان ولدها يكلم بنات وتقول عادي خليه يتسلى لحد مايتزوج :eek:واللي تقول الشاب مايعيبه شي.. واللعب في اعراض الناس الله لايبلانا ماادري كيف الشباب اللي من هذه النوعيه مايخافون على امهاتهم واخواتهم وبناتهم ترى اللي يدق باب الناس ربي يدق بابه وكله سلف ودينالمصيبه الام اللي تعرف ان ولدها يكلم بنات وتقول عادي خليه يتسلى لحد مايتزوج :eek:واللي تقول الشاب...
للاسف امهاتنا عليهم جزء من المسؤوليه والله مايخافون لو يخافون كان ماوصلنا لهالمرحله:humm:
الصفحة الأخيرة