الخير في وجهه كما وابل السيل
لياتبسم تبتسم عين من جاه
له ذكريات توجع النفس بالحيل
ليته معانا والمرض ماتغشاه
ربي كتب فرقاه من غير تبديل
جرح الفراق أصعب من القول والآه
سلطان وينك ... ذابت النفس والحيل
عساك في جنات وبخير والله
صحيح ماأنت بصاحبي دون تعليل
بس طلتك في شاشة البيت مبهاه
نشوف ضحكاتك على غير تحويل
ونضحك لها في صمت من دون مشكاه
يارب يارحمان ترضيه بالحيل
لأنه رحيم ولأنه الروح تهواه
حنا نحبه جيل ومن قبلنا جيل
من قلب مخلص يعلم الله رجواه
صادق بحرفي ماصنعته تهاويل
شاعر وأحب الطيب أهله وشرواه
وإن كان في الدنيا من الخير تمثيل
الخير في سلطان أصله ومرباه
وإن كان للبسمه مع الطيب تدليل
شف وجه ابو متعب وقل ماتمناه
للأمانه منقول
صبرررجميل @sbrrrgmyl
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
مشكوووووره