الخيــــــاطة بعد الولادة .. والبواسير...والشفاط

خواتي انا وصفت لي الدكتورة مطهر البيتادين عشان الخياطة .. كملت فوق العشرين يوم ولا فيه اي تحسن يذكر
الخياطة ما طاحت والالم موجود .. وانا اتشطف بماي دافي .. واحط مرهم ابو اسد واحس بحرق بسيط بس اتحمل


المشكلة انه صابني امساك شديد من اسبوع وهالشي اثر فيني من المنطقة الخلفية .. ووصفت لي ادوية وتحاميل خاصة للبواسير .. مع انه قالت لي الحمدلله لحقتي على نفسك .. بس ما شرحت لي الحالة بالضبط .. انا قمت احس بالالام فظيعة لما اروح الحمام ولما اقعد .. لدرجة كرهت ارضع بنتي من الالم .. قمت اقول بعطيها صناعي .. لما رحت امس والله كنت ببكي وانا بحالة ما يعلم بها الا الله .. ورحت الصيدلية وشريت شفاط حليب ماني عارفة هل الحليب بيقل ولا كيف ؟ انصحوني:(


والله لو تشوفون حالتي بس ايش اقول الحمدلله الحمدلله يارب على كل حال .. بس ابغى منكم الي صار لها نفسي تحكي لي ايش عملت وكيف تتحسنت .. هاي اول مرة اعاني وهاي اول ولادة .. وخلتني اكره الحمل بصراحة


وبالنسبة لبنتي وبعد محاولات مضنية رضت تمسك المرضعة الي شريتها .. بس الحمدلله شفطت لها كمية بسيطة من حليب الصدر ... بس ابغى اعرف الى متى بستمر ؟؟ وهل بيدوم الحليب بالشفط ولا يقل ؟؟