الدائرة السواد الي بجنب القدم الحل النهائي لها بدون شيء والله على ماقول شهيد

السلام عليكم ورحمة الله وبركاته
حبيباتي أخواتي والله من حبي لكن ابي اقول وش صارلي كنت اعاني من السواد المتجمع على طرف القدمين يجي على الجنبين يكون اغمق من باقي القدم وقاسي شوي (ياليت فهمتو علي) تعبت ادور لها علاج وانا اقولكم وربي وربي مافي لها الا حل واحد عن تجربة وهي :
لا تجلسين عليها انا سافرت مدة شهرين بالضبط للدراسة وبحكم اني اسكن بسكن والنظام كله جلسة على الكرسي في الأكل والمذاكرة وحتى السواليف والجلسة مع البنات على كنب يعني نادرا نادرا ماجلس على الأرض ولمن جيت بسافر لأهلي وربي انصدمت وفتحت عيوني وين ذيك الدواوير السود الي كانت من درجة قسوتها يخرج منها دم وتؤلمني ورب البيت , اختفت نهائيا وصار مكانها ابيض مثل باقي القدم , وحمدت ربي والحين رجعت عند أهلي ورجعنا للتربع بس احاول اكون حريصة قد ماقدر ماضغط على المنطقة وأحط تحتها خداديه ناعمه حتى احافظ على رجيلاتي من ذيك الدواير المزعجة وسلامتكم
دعواتكم لي بالزوج الصالح ولأخوي بالزوجة الصالحة