الدارج في اطقم الالماس ...

هلا اختي انا يعجبني المعتق احسه راقي اما انه ينفع لكل مناسبه مدري احسه مو مره للسهرات
اما الاحجار الملونه مدري قصدك التوباز اذا هو قصدك ابعدي عنه لان المحلات كلها طايحه فيه اللحين وخاصه الزركون يكرهي له كل الناس هبوا انا اشتريت منه اول ماطلع يعني قبل لايصير موضه واحسه الان ناشب في حلقي مع انه نص طقم
خذيها مني نصيحه خذيلك الشي الكلاسيكي الالماس الابيض العادي او الزمرد والاشياء هذي اللي مالها موضه تبقى معك طول عمرك ماتملين منها
هذا رائي الشخصي لاني ماحب اشتري وكل الناس هابه فيه احب اخذ الشيء المميز

شوفي اختي ..........العروس لابد لها من طقم ابيض في ابيض يعني كلاسيك والموديلات ماشا لله كثيره
بس انتي اذا تبغين شي الاقل خساره خذي حجم الالماس الاكبر لانه قيمة الالماس هي الاكثر فيه وذا في البيع يجيب سعر زين(بس حطي في بالك الالماس مو للبيع والتغيير المستمر.......تقدرين تعيدين تصنيعه بموديل مختلف)
القطع المعتقه والاحجار الملونه حلوه للعروس بس مايحتاج طقم تعليقه وحلق يكفي..............هذي انا احبها اكثر من الاطقم وهي اللي اشتريها دايما......بس انا ترى مو عروس انا ام العروس