الداعيات والملتزمات تكفون ساعدوني

بسم الله الرحمن الرحيم
اخواتي في الله باختصار ودي اتوب وابيكم تساعدوني انا انسانه متزوجه ولله الحمد مرتااحه لهم اهله وهو كلهم طيبين ولافيه مشاكل بحياتي كثير امور بسيطه وتنتهي لكني ماني مرتاحه مهما كنت سعيده ومبسوطه فيه شئ ناقص بحياتي ومو مريحني منقص علي عيشتي ومكرهني بحياتي اللي غيري يتمناها واخلق مشاكل من ﻵشئ انا عارفه ايش مشكلتي بس ماني قادره اعدلها يوم كنت بالمتوسط لين نص الثانويه يابنات وانا ملتزمه واخاف الله شوي شوي مع التطورات اللي بالدنيا والناس اللي حوالينا بديت اغلط واغلط واغلط صرت اشقر البس بنطلون والمستور اسيبه مستور الله يغغفر لي ماغلطت اغلاط كبيره لان الله في قلبي بس اذنبت سافرت مره وبدلت عبايه الراس بكتف ومن يومها تعودت عليها وصرت اشوفها اريح اسمع اغاني ع خفيف صرت البس قصير ومفتوح والله موعاجبني هالوضع بس شسوي الاسواق والمغريات كثيره والله شئ يقهر افهموني حاولت احفظ البقره بالبيت ما استمريت وكل ما اتوب ما استمر الصلاه انام عنها حاولت اعدل قعدت قريب السنه ورجع الحال اخص المهم دخلت تحفيظ القران وما استمريت لاني تزوجت وانشغلت والان حالي نفس حالي زمان حابه ابدأ حابه اتوب حابه ارجع لله ابغى ارضيه خايفه من النار خايفه الساعه تقوم وانا لساتي غافله خايفه من عذاب القبر ابي الجنه قلت ببدأ حبه حبه ع عمري تركت التشقير بصعوبه لكن من ترك لله شيئا عوضه خيرا منه
الخطوه الثانيه قلت ماعاد بشتري بناطيل حبدأ اشتري تنانير والله يعين ع هالاسواق لكن اناواثقه بذوقي حرتاح باختياري ان شاء الله افصل بسيبها بسيبها ياناس والله محد بينفعنا لاصرنا بالقبر انافاااهمه
وانسااانه عااقله ايش اللي مخليني ماني قادره اتوب ايش.. هالشئ متعبني ياناس الصلاه ماني قادره احافظ عليها بوقتها قولو ليا كيف محافظين انا اصلي بس موبوقتها احيانا حتى لو صاحيه واذا صليت احس بثقل وتعب ما احسب متى اخلص واحيانا لا باطمئنان ليش هالتناقض ليش الكسل هذا ياناس دلوني علموني والله محتااجتكم محتاجه احد يعيني ع التوبه مهما بلغت من العلم والعقلانيه الا اني بحاجه من ينصحني ويوجهني ارجوكم لاتخلون اختكم في الله والله اني مهمومه لين متى انوي ومااتوب اخاف اموت وانا ع هالحال محد بينفعني ارجوووكم ساعدوني