الداعية الصغيرة حائرة!! فماذا تنصحونها ؟هي في......انتظاركم!

السلام عليكم ورحمة الله وبركاته ...
اخواتي ابغى منكم الحماس والرد ضروري موتطنيش :(
ترى ان مالقيت تجاوب ازعل منكم ولا ارد على مواضيعكم والبادي اظلم :22:
والقصه ومافيها اني كنت اهني مجموعة بنات في مناسبة نجاحهم وقلتلهم كلمة هي اقرب الى النصيحة
وكنت رافعه الكلفة بيني وبينهم رغم عدم معرفتي بهم واثناء التهنئة قلتلهم على طريقه كيف يستفيدوا من مهنتهم اذاوجدوا عمل او لا وعجبتهم وانشدوا لها وشكرنا بعض واكلنا مالذا وطاب وكلا راح الى بيته واختكم راحت شبعانه ومستانسه الى هنا والأمر عادي ،هاه جينا للزبده وفي اليوم التالي اذ بجرس الهاتف يرن ويرن ويرن وانا كالعادة مسابقه مع اعيالي ايلي القف مني على التلفون وكأننا منحسب على سماع صوته صبركم علي راح تفهمون كل شيء الحين المهم انا ايلي فزت هالمره لأنه عندي واحد ماشاءالله عليه لو مسك التلفون قبلك تحلمين انك تتكلمين المهم والا هي احدى الأخوات في الله
السلام عليكم وعليكم السلام وبعد السؤال عن الأهل والديار الا وهي تقولي ان فيه جلسة ذكر ماشاء الله يحضرها عدد من النساء وتشرف عليها داعيتان كل اسبوع في يوم معين وهن يردن داعيه اخرى فعند غياب احداهن تقوم بمحلها فرديت اني مااعلم احد لكن راح اسألك وقالت لا انا رشحتك لهم وطلبوا اني اكلمك واخذ رايك وقلتلها يابتن الحلال ويني انا وين الداعيه قالت لا صراحة انا تفاجأت فيك لما نصحت البنات الكل تأثر بكلامك وهذا المطلوب ان الواحد يكون جريْ في تقديم النصيحه وبأسلوب محبب يشد ويأثر وهذا باب من ابواب حصد الخير والأجر ايلي كلنا محتاجينه
المهم قفلت ووعدتها افكر وكنت ماني مصدقه داعيه مرة وحده طبعا ماهو تقليل في الدعوة ولكن مين
انا حتى اتشرف بهذي المهمة وهي ايضا تكليف لها مقومات والله الكلمة ايلي قلتها من غير تخطيط اوكتابه حبيت افيد غيري لوجه الله وكل ايلي حضروا اخذوا يشجعوني ويحثوني اني اقبل
حبيت اسألكم من غير مااقول راي لأن الأستشاره نص الحل حطوا نفسكم في موقفي ايش تعملون تعتبرونه فرصه للخير وتستغلونها ام تخافون الفتنه والغرور وترفضونها على الرغم جاتك من غير سعي لها ؟؟
يالله همتكم ولا تخلوني انتظر كثير ابغى ردودكم للداعيه الصغيرة كما اسموني من حولي
والسلام على من اتبع الهدى :26: :26:
ن انا